চিৰাং,20 এপ্ৰিল: কৰ'ণাৰ আতংকৰ বাবে ভাৰত চৰকাৰৰ নিৰ্দেশ মৰ্মে দেশজুৰি বাহাল আছে লক ডাউন ৷ যাৰ বাবে স্তব্ধ হৈ পৰিছে সমগ্ৰ বিশ্বৰ মানৱ জাতিৰ স্বাভাৱিক জনজীৱন ৷ ইয়াৰ লগে লগে বন্ধ হৈ পৰিছে হোটেল,ৰেষ্টুৰেন্টৰ লগতে হাট-বজাৰৰ লগতে সকলো অনুষ্ঠান প্ৰতিষ্ঠান ৷ ফলত তথৈবচ হৈ পৰিছে হোটেল,ৰেষ্টুৰেন্টবোৰৰ লগতে বিভিন্ন ঠাইত পেলনীয়া খাদ্য খাই জীয়াই থকা কুকুৰবোৰৰ অৱস্থা ৷
অভয়াপুৰীত “এনিমেল” নামৰ এটা স্বেচ্ছাসেৱী সংস্থাৰ প্ৰশংসনীয় পদক্ষেপ
তেনে সময়তে বঙাইগাঁও জিলাৰ অভয়াপুৰীৰ“এনিমেল”নামৰ এটা স্বেচ্ছাসেৱী সংস্থাই লক ডাউন আৰম্ভ হোৱা দিনৰ পৰাই বাটে পথে ঘূৰি ফুৰা কুকুৰবোৰক যোগান ধৰি আহিছে খাদ্য ৷ কেৱল কুকুৰকে নহয়,লক ডাউনত ভক্তৰ আগমণ নোহোৱা মন্দিৰবোৰৰ পাৰ চৰাইবোৰকো খাদ্যৰ যোগান ধৰি আহিছে সংস্থাটোৱে ৷ ইয়াৰ জৰিয়তে স্বাভাৱিকতে মানৱীয়তাৰ এক উৎকৃষ্ট নিদৰ্শন দেখুৱাইছে এনিমেল নামৰ সংস্থাটোৱে ৷