চিৰাং,19 ডিচেম্বৰ : চিৰাঙৰ বিজনীৰ বামুণীঝৰাত শোকাকুল পৰিৱেশ ৷ স্বামীৰ মৃত্যত ৩ ঘণ্টাৰ বাবে নিজ বাসগৃহত উপস্থিত ডিটেনচন কেম্পত আবদ্ধ হৈ থকা অমলা দাস ৷ সুদীৰ্ঘ ১ বছৰ ৯ মাহ পিছত ঘৰলৈ উভতি আহি কান্দোনত ভাঙি পৰে অমলা দাস ৷ উল্লেখ্য যে, বামুণীঝৰা গাঁৱৰ গোপেশ দাসৰ পত্নী অমলা দাসক বিদেশী নাগৰিকৰ সন্দেহত কোকৰাঝাৰ ডিটেনচন কেম্পলৈ প্ৰেৰণ কৰা হৈছিল ৷ কিন্তু ৪ দিন পূৰ্বে স্বামী গোপেশ দাসৰ মৃত্যু হোৱাত হিন্দু ৰীতি-নীতি পালনৰ উদ্দেশ্যে মাত্ৰ 24 ঘণ্টাৰ বাবে নিজ ঘৰলৈ আহিবলৈ অনুমতি প্ৰদান কৰা হয় অমলা দাসক ৷
24 ঘন্টাৰ বাবে অমলা দাসে জামিন লাভ কৰে যদিও বিভাগীয় নীতিৰ মাজেৰে আহি ঘৰত উপস্থিত হৈ মাত্ৰ তিনি ঘন্টাহে সময় লাভ কৰে ৷ ঘৰলৈ অহাৰ পিছতেই শোকত ভাগি পৰে অমলা দাসৰ লগতে পৰিয়ালবৰ্গ ৷ আনহাতে, সকলো নথি-পত্ৰ থকাৰ পিছতো ডিটেনচন কেম্পলৈ প্ৰেৰণ কৰা অমলা দাসক পুনৰ উভটি যাবলৈ নিদিয়াৰ হুংকাৰ সদৌ বিটিআৰ বেংগলী যুৱ ছাত্ৰ ফেডাৰেশ্বনৰ ৷ কেৱল নামৰ বিভ্ৰান্তিৰ বাবে বিগত 1 বছৰে চৰকাৰে অমলা দাসক ডিটেনচন কেম্পত আৱদ্ধ কৰি ৰখাৰ অভিযোগ উত্থাপন কৰে অসম প্ৰদেশ কংগ্ৰেছৰ কমিটিৰ মুখপাত্ৰ জমছেৰ আলীয়ে ৷