চিৰাং, 17 মে’: চিৰাং জিলাৰ উত্তৰ অঞ্চল বিশেষকৈ আই নদীপৰীয়া গাঁওসমূহ বান আৰু গৰাখহনীয়াৰ বাবে ক্ষতিগ্ৰস্ত হোৱা পৰিলক্ষিত হয় । প্ৰতিবছৰে আই নদীৰ বান আৰু গৰাখহনীয়াই ব্যাপকভাৱে ক্ষতিসাধন কৰে । দীৰ্ঘদিনীয়া লক ডাউনৰ ফলত দৰিদ্ৰ কৃষক তথা গাঁওবাসী বিপাঙত পৰাৰ মাজতে গাঁওবাসীয়ে আই নদীৰ বান আৰু গৰাখহনীয়াৰ কৱলত পৰিবলগীয়া হ’লে নিগমে মৰিব লাগিব সাধাৰণ জনতা । ইয়াকে লৈ গাঁওবাসীয়ে দুখ প্ৰকাশ কৰে ৷
ইফালে বিগত বৰ্ষত এই অঞ্চলৰ ডাবাবিল গাঁওখন সম্পূৰ্ণৰূপে আই নদীৰ বুকুত নিশ্চিহ্ন হৈ যায় । গাঁওখনৰ লোকসকলে ছোটো নিলীবাৰী গাঁওত কেম্প পাতি থাকিবলগীয়া হৈছিল বুলি স্থানীয় ৰাইজে জানিবলৈ দিয়ে । ইতিমধ্যে আই নদীৰ দুয়ো পাৰৰ প্ৰায় 50/60 খন গাঁও ক্ষতিগ্ৰস্ত হৈছে আৰু এইবছৰো অধিক ক্ষতিগ্ৰস্ত হোৱাৰ আশংকা প্ৰকাশ কৰে গাঁওবাসীয়ে ৷