বঙাইগাঁও, 27 ডিচেম্বৰ: সমগ্ৰ বিশ্বতে ত্ৰাস চলোৱা কৰ’ণা মহামাৰীৰ বাবে বহুতৰ জীৱনলৈ আহিল পৰিৱৰ্তন ৷ পেটৰ ভাত মুঠিৰ বাবে বহুতে হাতত তুলি ল'বলগীয়া হ'ল বিভিন্ন বৃত্তি ৷ কোনোবাই যদি দোকান দিছে আন কোনোবাই আকৌ কৃষিকাৰ্যতে মনোনিৱেশ কৰিছে ৷ কৰ’ণা মহামাৰীৰ সন্ত্ৰাসৰ ফলত বিশেষকৈ সাংস্কৃতিক অনুষ্ঠান আৰু থিয়েটাৰসমূহ বন্ধ হোৱাৰ ফলতে বহু সাংস্কৃতিক কৰ্মীয়ে জীৱিকা পালনৰ বাবে ল’বলগা হৈছে বিভিন্ন পথ ৷ তাৰ মাজতে বঙাইগাঁৱৰ উৎপল দাস নামৰ এগৰাকী উদীয়মান বাঁহীবাদকে হাতত বাঁহীৰ পৰিৱৰ্তে তুলি লৈছে কেচি ৷ কাৰণ দীৰ্ঘদিন ধৰি ৰাজ্যত সাংস্কৃতিক অনুষ্ঠান বন্ধ হৈ থকাৰ বাবে উপাৰ্জনৰ পথো বন্ধ হৈ পৰিছে ৷ পূৰ্বতে সাংস্কৃতিক অনুষ্ঠান কৰি কোনোমতে পেটৰ ভাত মোকলাই আছিল যদিও কৰ’ণা মহামাৰীৰ বাবে সকলো বন্ধ হৈ থাকিল ৷
বঙাইগাঁৱৰ উদীয়মান বাঁহীবাদকে বাঁহী এৰি হাতত তুলি ল'লে কেঁচী