5 বজাৰ দহটা শীৰ্ষ খবৰ

5 বজাৰ দহটা শীৰ্ষ খবৰ

গল্পকাৰ, সাংবাদিক মনোজ কুমাৰ গোস্বামীলৈ আগবঢ়োৱা হৈছে ২০২২ বৰ্ষৰ অসমীয়া ভাষাৰ সাহিত্য অকাডেমি বঁটা (Sahitya Akademi to Manoj Kumar Goswami) ৷ জনপ্ৰিয় লেখকগৰাকী এই সন্মান লাভ কৰাত স্বাভাৱিকতেই উৎফুল্লিত হৈ পৰিছে ৰাজ্যৰ সংবাদ জগতৰ লগতে গোস্বামীৰ লেখনিত মুগ্ধ গ্ৰন্থপ্ৰেমী ৷

সদৌ অসম ছাত্ৰ সন্থাৰ প্ৰতিমা পাণ্ডে বৰুৱা বঁটা এই বছৰ প্ৰদান কৰা হৈছে ধেমাজিৰ লোক-সংস্কৃতিৰ সাধক, প্ৰবীণ শিল্পী, একনিষ্ঠ সাংস্কৃতিক সংগঠক একলব্য গামলৈ (Pratima Pandey Award 2022 to Akalabya Gam) ৷

খানাপাৰা কেন্দ্ৰীয় বিদ্যালয়ৰ সন্মুখত বুধবাৰে নিশা সংঘটিত হয় ভয়ঙ্কৰ ঘটনা (Horrific incident at khanapara) । উদণ্ড যুৱকে কাৰ ষ্টাণ্ট কৰি চুলিত ধৰি চোঁচৰাই নিলে এগৰাকী যুৱতীক ।

হায়দৰাবাদৰ ৰামোজী ফিল্ম চিটিয়ে কেন্দ্ৰীয় চৰকাৰৰ ভাৰতীয় খাদ্য সুৰক্ষা আৰু মানদণ্ড কৰ্তৃপক্ষৰ পৰা লাভ কৰিছে ‘ইট ৰাইট কেম্পাছ বঁটা’ (Eat Right Campus Award) ।

অসমক‌ ভাৰতৰ শ্ৰেষ্ঠ পাঁচখন ৰাজ্যৰ শাৰীত উন্নীত ‌কৰাৰ অংশ স্বৰূপে "বিকাশৰ বাবে এটা পষেক" শীৰ্ষক এক অনুষ্ঠানত অহা ২৪ ডিচেম্বৰত টিংখাঙত উপস্থিত থাকিব মুখ্যমন্ত্ৰী ড৹ হিমন্ত বিশ্ব শৰ্মা (Fortnight for Development at Tingkhang) । টিংখাঙৰ কুঁৱৰীগাঁও উচ্চ মাধ্যমিক বিদ্যালয় (Kuwarigaon Higher Secondary School ) খেলপথাৰত অনুষ্ঠিতব্য় উক্ত কাৰ্যসূচীত মূখ্যমন্ত্ৰীৰ লগতে বহুকেইগৰাকী মন্ত্ৰী-বিধায়ক উপস্থিত থাকিব । মুখ্যমন্ত্ৰীগৰাকীক আদৰণি জনোৱাৰ উদ্দেশ্যে ইতিমধ্যে প্ৰস্তুতি সম্পূৰ্ণ কৰিছে বিজেপি কৰ্মকৰ্তাসকলে ।

আমগুৰিৰ ডনবস্ক' স্কুলৰ প্ৰথম শ্ৰেণীৰ ছাত্ৰী উন্মনাই অসমৰ বিভিন্ন প্ৰান্তত লাভ কৰিবলৈ সক্ষম হৈছে মৌ-কুঁৱৰীৰ লগতে Kids Modelling Winner খিতাপ । আমগুৰি চাংমাই গাঁৱৰ নিবাসী মনোজ কোঁৱৰ আৰু জুপিতৰা কোঁৱৰৰ কন্যা উন্মনাৰ সপোন এগৰাকী সফল মডেল হোৱাৰ ।

টুলুঙা নাৱেৰে এক বিপজ্জনক যাত্ৰা শদিয়া সমষ্টিৰ এটা অঞ্চলত (dangerous boat journey in Sadiya constituency) ৷ নিৰ্বাচনৰ পূৰ্বে দিয়া প্ৰতিশ্ৰুতি নিৰ্বাচনৰ পিছত যে প্ৰতিশ্ৰুতি হৈয়ে থাকে তাৰে এক নিদৰ্শন এয়া ৷

প্ৰধানমন্ত্ৰী কাৰ্যালয়ৰ এখন পত্ৰক লৈ তোলপাৰ ডিব্ৰুগড়ত (PMO letter to Dibrugarh on PMAY scam) । ডিব্ৰুগড়ৰ চিৰিং ডাইনীজান গাঁও পঞ্চায়তত প্ৰধানমন্ত্ৰী আৱাস যোজনাৰ গৃহ নিৰ্মাণত হিতাধিকাৰীৰ পৰা ধন লোৱাৰ অভিযোগ ।

মন্দিৰ চৌহদত পাঠদান কৰি একতাৰ অনন্য নিদৰ্শন দাঙি ধৰিছে এখন চৰকাৰী বিদ্যালয়ে ৷ বিদ্যালয়খনৰ নিজা ভৱন নথকাত কেইবা বছৰ কোনো ভেদাভেদ নকৰাকৈ দুই সম্প্ৰদায়ৰ শিক্ষাৰ্থীক একেলগে পাঠদান কৰি আহিছে বিদ্যালয়ৰ কৰ্তৃপক্ষই(Muslim students study on temple premises) ।

ডিব্ৰুগড় জিলাৰ মৰাণ আৰক্ষী থানাৰ অন্তৰ্গত চেপন কলেজৰ সমীপত 37 নং ৰাষ্ট্ৰীয় ঘাইপথৰ কাষত এটা অৰ্ধগলিত মৃতদেহ উদ্ধাৰ কৰা হয় (Murder case at Moran)৷ জানিব পৰা অনুসৰি মৃত ব্যক্তিজন অৰুণাচলৰ দেউমাৰিৰ ৰাজেশ শ্বাহ বুলি জানিব পৰা গৈছে (Rajesh Shah mysterious death) ৷ গাড়ীৰ ভাড়া মাৰিবলৈ মৰাণলৈ আহিছিল লোকজন ৷ তিনিজন ব্যক্তিয়ে গাড়ী ভাড়া কৰি মৰাণলৈ আনিছিল লোকজনক ৷