মৰাণ, 28 মে’: চৰাইদেউ জিলাৰ মাহমৰা সমষ্টিৰ খালৈঘুগুৰাৰ বৰবাম অঞ্চলৰ দিচাং নৈৰ মথাউৰিত সৃষ্টি হোৱা ব্যাপক গৰাখহনীয়াই শংকিত কৰি তুলিছে নৈপৰীয়া ৰাইজক । বাৰিষা অহাৰ লগে লগেই এই অঞ্চলৰ দিচাং নৈৰ মথাউৰিত বিগত দুই -তিনি বছৰৰে হৈ আহিছে ব্যাপক গৰাখহনীয়া ।
উল্লেখযোগ্য যে, চলিত বৰ্ষৰ ২৩ ফেব্ৰুৱাৰী তাৰিখে খালৈঘুগুৰা অঞ্চলৰ দিচাং নৈৰ বৰবামৰ উৰিয়াম ঘাট অঞ্চলত মাহমৰা সমষ্টিৰ বিধায়ক তথা মন্ত্ৰী যোগেন মহনে ২০২০-২১ বৰ্ষৰ ৰাজ্যিক দুৰ্যোগ ব্যৱস্থাপনা শিতানৰ বান প্ৰতিৰোধ আঁচনি শুভাৰম্ভ কৰিছিল যদিও আজি পৰ্যন্ত কাৰ্যকৰী ৰূপত পৰিণত ন'হল এই আঁচনিৰ কাম ।
দিচাং নৈৰ ভয়াৱহ গৰাখহনীয়াই সন্ত্ৰাসৰ সৃষ্টি খালৈঘুগুৰা বৰবামত