ভিক্টৰ দাসৰ অভিযোগক জেমছ বণ্ডৰ চিনেমা আখ্যা মুখ্যমন্ত্ৰীৰ

ভিক্টৰ দাসৰ ঘটনাক জেমছ বণ্ডৰ চিনেমা আখ্যা মুখ্যমন্ত্ৰী ড৹ হিমন্ত বিশ্ব শৰ্মাৰ (Himanta Biswa Sarma on Victor Das)৷ নিযুক্তি প্ৰক্ৰিয়াত ধনৰ লেন-দেনৰ অভিযোগৰ বাতৰি প্ৰকাশ কৰি 8 লাখ ল’ৰা-ছোৱালীৰ মূৰ নকৰিবলৈও সংবাদ মাধ্যমক আহ্বান জনালে মুখ্যমন্ত্ৰীগৰাকীয়ে ৷

ডিব্ৰুগড়, 11 ছেপ্টেম্বৰ: তৃতীয় আৰু চতুৰ্থ বৰ্গৰ নিযুক্তি প্ৰক্ৰিয়াত ধনৰ লেন-দেনৰ অভিযোগ তুলি গ্ৰেপ্তাৰ হ’ল ভিক্টৰ দাস নামৰ এজন যুৱক (Victor Das arrested)৷ ইয়াৰ পাছতে সমগ্ৰ ৰাজ্যত তীব্ৰ প্ৰতিক্ৰিয়াৰ সৃষ্টি হৈছে ৷ অভিযোগকাৰীক গ্ৰেপ্তাৰ বিৰুদ্ধেও মাত মাতিছে বিভিন্নজনে ৷ ইয়াৰ মাজতে দেওবাৰে ঘটনা সন্দৰ্ভত প্ৰথমবাৰৰ বাবে মুখ খুলিলে মুখ্যমন্ত্ৰী ড৹ হিমন্ত বিশ্ব শৰ্মাই (Himanta Biswa Sarma on Victor Das)৷

ভিক্টৰ দাস নামৰ যুৱকজনে অনা অভিযোগৰ তীব্ৰ বিৰোধিতা কৰে মুখ্যমন্ত্ৰীগৰাকীয়ে ৷ সমান্তৰালকৈ সংবাদ মাধ্যমকো তীক্ষ্ণ সমালোচনা কৰে মুখ্যমন্ত্ৰীগৰাকীয়ে ৷ ভিক্টৰ দাসে অনা অভিযোগৰ বাতৰি সংবাদ মাধ্যমত প্ৰচাৰ কৰাত ক্ষুন্ন হৈ পৰে মুখ্যমন্ত্ৰীগৰাকী ৷ এনেধৰণৰ বাতৰি প্ৰচাৰ কৰি চাকৰি প্ৰাৰ্থীসকলৰ মূৰ গৰম নকৰিবলৈ সংবাদ মাধ্যমক আহ্বান জনায় মুখ্যমন্ত্ৰীগৰাকীয়ে (Himanta Biswa Sarma advices media) ৷

অসম চৰকাৰৰ শেহতীয়া নিযুক্তি পৰীক্ষা(Assam recruitment examination) সম্পূৰ্ণ নিকাভাৱে সম্পন্ন হোৱা বুলি পুনৰবাৰ উল্লেখ কৰি মুখ্যমন্ত্ৰীগৰাকীয়ে কয় যে ৰিজাল্টৰ দিনা সকলে স্পষ্ট হৈ পৰিব ৷ আম্বানীৰ ঘৰৰ পৰীক্ষাৰ্থীয়ে নে পকৰি বিক্ৰী কৰা ঘৰৰ পৰীক্ষাৰ্থীয়ে চাকৰি পায় সেয়া স্পষ্ট হ’ব বুলি মন্তব্য কৰে মুখ্যমন্ত্ৰী ড৹ শৰ্মাই ৷

সংবাদ মাধ্যমৰ বিৰুদ্ধে সৰৱ হৈ পৰা মুখ্যমন্ত্ৰীগৰাকীয়ে কয় যে, দুই এটা সংবাদগোষ্ঠীয়ে 1 লাখ নিযুক্তি প্ৰক্ৰিয়া (One lakh recruitment assurance Assam) বন্ধ কৰাৰ বাবে চেষ্টা কৰি আছে ৷ 26 হাজাৰ ল’ৰা-ছোৱালীয়ে এটকাও নিদিয়াকৈ চাকৰি পালে কংগ্ৰেছে ভালপাব নেকি বুলিও প্ৰশ্ন কৰে মুখ্যমন্ত্ৰীগৰাকীয়ে ৷ মানসিকভাৱে অতি দুৰ্বল লোকসকলেহে নিযুক্তি পৰীক্ষাত কেলেংকাৰী সংঘটিত হোৱাৰ অভিযোগ কৰা মন্তব্য কৰে ড৹ শৰ্মাই ৷

আনহাতে ভিক্টৰ দাসৰ অভিযোগক তেওঁ জেমচ বণ্ডৰ চিনেমা আখ্যা দিয়ে ৷ ভিক্টৰ দাসে অভিযোগত উল্লেখ কৰা প্ৰাক্তন বিধায়কৰ নাম উল্লেখ কৰিবলৈ অসমৰ্থ হোৱা বুলি উল্লেখ কৰে মুখ্যমন্ত্ৰীগৰাকীয়ে ৷

লগতে পঢ়ক:ভিক্টৰ দাসৰ বিৰুদ্ধে গুৰুত্বপূৰ্ণ ধাৰাত গোচৰ; আক্ষেপ প্ৰকাশ মাতৃৰ