"দ্বিতীয় পৰ্যায়ৰ নিৰ্বাচনত কংগ্ৰেছে অধিক আসন লাভ কৰিব"-ৰিপুন বৰা

বৃহস্পতিবাৰে ৰাজ্যত অনুষ্ঠিত হ'ব দ্বিতীয় পৰ্যায়ৰ নিৰ্বাচন ৷ ৰাজ্যত অনুষ্ঠিত হ'বলগীয়া পাঁচটা লোকসভা সমষ্টিৰ নিৰ্বাচনত কংগ্ৰেছে প্ৰথম পৰ্যায়ৰ নিৰ্বাচনতকৈ অধিক আসন লাভ কৰিব বুলি আশাবাদী অসম প্ৰদেশ কংগ্ৰেছ কমিটিৰ সভাপতি ৰিপুন বৰা।

গুৱাহাটী,17এপ্ৰিলঃ ৰঙালী বিহুৰ আনন্দৰ মাজতে অহা ১৮ এপ্ৰিলত দেশৰ বিভিন্ন প্ৰান্তৰ লগতে অসমতো অনুষ্ঠিত হ'ব দ্বিতীয় পৰ্যায়ৰ লোকসভা নিৰ্বাচন। প্ৰথম পৰ্যায়ৰ দৰে দ্বিতীয় পৰ্যায়টো অসমৰ পাঁচটাকৈ লোকসভা সমষ্টিত নিৰ্বাচন অনুষ্ঠিত হ'ব। ইপিনে প্ৰথম পৰ্যায়ত অনুষ্ঠিত হোৱা পাঁচটা লোকসভা সমষ্টিৰ ভিতৰত কংগ্ৰেছ দলে তিনিখন আসন লাভ কৰিব বুলি আশাবাদী কংগ্ৰেছ দল। লগতে অসম প্ৰদেশ কংগ্ৰেছ কমিটিৰ সভাপতি ৰিপুন বৰাই জনোৱা অনুসৰি প্ৰথম পৰ্যায়ৰ তুলনাত দ্বিতীয় পৰ্যায়তো কংগ্ৰেছ দলে অধিক ভাল ফলাফল দেখুৱাবলৈ সক্ষম হ'ব। দ্বিতীয় পৰ্যায়ৰ পাঁচটা সমষ্টিৰ ভিতৰৰ কংগ্ৰেছ দলে চাৰিখন আসন অথবা পাঁচ খন আসনেই লাভ কৰিব বুলি আশাবাদী ৰিপুন বৰা ৷