বৰপেটা, ১৩ ফেব্ৰুৱাৰীঃ ৰাজ্যসভাত নাগৰিকত্ব সংশোধনী বিধেয়ক উত্থাপন নোহোৱা পাছতে বৰপেটাত উৎফুল্লিত কংগ্ৰেছ কৰ্মীসকল। বিধেয়কখন গৃহীত নোহোৱাৰ আনন্দত বুধবাৰে বৰপেটাৰ ৰাজীৱ ভৱনৰ সন্মুখত কংগ্ৰেছ কৰ্মীসকলে ফটকা ফুটাই আনন্দ উল্লাস প্ৰদৰ্শন কৰা পৰিলক্ষিত হয় ৷ লগতে কংগ্ৰেছ কৰ্মীসকলে বিজেপি মুৰ্দাবাদ, কংগ্ৰেছ জিন্দাবাদ, নৰেন্দ্ৰ মোডী মুৰ্দাবাদ ধ্বনিৰে উত্তাল কৰে বৰপেটা জিলা। আনহাতে,কংগ্ৰেছৰ বলিষ্ঠ ভূমিকাৰ বাবেই বিজেপিয়ে বিধেয়কখন গৃহীত কৰাত সফল নহ'ল বুলি মন্তব্য কৰে বৰপেটাৰ কংগ্ৰেছ কৰ্মীসকলে ৷
