গোৱালপাৰা, ১৮ ফেব্ৰুৱাৰীঃ পাকিস্তান আৰু সন্ত্ৰাস বিৰোধী শ্ল'গানেৰে উত্তাল পশ্চিম গোৱালপাৰাৰ লক্ষীপুৰ ৰাজপথ। সোমবাৰে দিনযোৰা কাৰ্যসূচীৰে লক্ষীপুৰ ব্যৱসায়িক সন্থাই সাব্যস্ত কৰিলে প্ৰতিবাদ। ব্যৱসায়ীসকলে ১৪ ফেব্ৰুৱাৰীত কাশ্মীৰৰ পুলৱামাত পাকিস্তান উগ্ৰপন্থীৰ আত্মাঘাটী আক্ৰমণত শ্বহীদ হোৱা জোৱান সকলৰ প্ৰতি শ্ৰদ্ধা জ্ঞাপন কৰাৰ লগতে,লক্ষীপুৰৰ দোকান পোহাৰ বন্ধ ৰাখি আবেলি বাইক ৰেলী আৰু সন্ধিয়া শ্বহীদ জোৱানৰ স্মৃতিত চাকি জ্বলাই। তাৰোপৰি পাক প্ৰধান মন্ত্ৰী ইমৰান খানৰ পুত্তলিকা আৰু পাকিস্তানৰ পতাকা দাহ কৰি ক্ষোভ প্ৰকাশ কৰে প্ৰতিবাদকাৰীসকলে।
