গুৱাহাটী, 6 মে': গুৱাহাটীৰ ৰাজীৱ ভৱনৰ সন্মুখত কংগ্ৰেছৰ প্ৰতিবাদ ৷ নিৰ্বাচনী প্ৰচাৰ সভাত প্ৰাক্তন প্ৰধানমন্ত্ৰী ৰাজীৱ গান্ধীক লৈ প্ৰধানমন্ত্ৰী মোডীয়ে কৰা মন্তব্যক লৈ গৰজি উঠিল অসম প্ৰদেশ কংগ্ৰেছ কমিটিৰ সদস্যসকল ৷ প্ৰধানমন্ত্ৰী নৰেন্দ্ৰ মোডী মুৰ্দাবাদ,বিজেপি মুৰ্দাবাদ ধ্বনিৰে সাব্যস্ত কৰিলে প্ৰতিবাদ ৷
ইপিনে নিৰ্বাচন আয়োগৰ নীতি নিয়মক ভেঙুচালি কৰি নিৰ্বাচনী প্ৰচাৰ সভাত ৰাইজক আকৰ্ষণ কৰিবলৈয়ে প্ৰধানমন্ত্ৰী নৰেন্দ্ৰে মোডীয়ে বিৰোধী দলৰ নেতাসকলক ব্যক্তিগত আক্ৰমণ কৰি আহিছে বুলি মন্তব্য বিৰোধী দলপতি দেবব্ৰত শইকীয়াৰ ৷ লগতে প্ৰাক্তন প্ৰধানমন্ত্ৰীগৰাকীক এগৰাকী ভ্ৰষ্টাচাৰী বুলি মোডীয়ে কৰা মন্তব্য উভতি ধৰি ৰাজীৱ গান্ধীৰ ওপৰত চি বি আইয়ে তৰা গোচৰৰ পৰা দোষমুক্ত হৈছিল বুলিও প্ৰধানমন্ত্ৰীগৰাকীক মনত পেলাই দিয়ে দেবব্ৰত শইকীয়াই ৷