নিউজ ডেস্ক, 7 জুলাইঃ চিবিআইৰ অতিৰিক্ত মহানিৰ্দেশক হিচাপে কৰ্মৰত আইপিএছ বিষয়া এম নাগেশ্বৰ ৰাওক কেন্দ্ৰীয় অসামৰিক সুৰক্ষা, গৃহৰক্ষী আৰু অগ্নিনিৰ্বাপন বাহিনীৰ মহানিৰ্দেশক নিযুক্তি দিয়া হয় ৷ শুকুৰবাৰে এক নিৰ্দেশনাযোগে কেন্দ্ৰীয় গৃহ মন্ত্ৰালয়ে বিষয়াগৰাকীক বাহিনীটোৰ মহানিৰ্দেশক নিযুক্তি দিয়ে ৷
কেন্দ্ৰীয় অসামৰিক সুৰক্ষা, গৃহৰক্ষী আৰু অগ্নিনিৰ্বাপন বাহিনীৰ সৰ্বাধিনায়কৰ পদত এম নাগেশ্বৰ ৰাও
চিবিআইৰ অতিৰিক্ত মহানিৰ্দেশক হিচাপে কৰ্মৰত হৈ থকা বিষয়াগৰাকীক কেন্দ্ৰীয় অসামৰিক সুৰক্ষা, গৃহৰক্ষী আৰু অগ্নিনিৰ্বাপন বাহিনীৰ মহানিৰ্দেশক নিযুক্তি দিয়া হয় ৷ কেন্দ্ৰীয় গৃহ মন্ত্ৰালয়ে বিষয়াগৰাকীক এই পদবীত নিযুক্ত দিয়া হৈছে ৷
এম নাগেশ্বৰ ৰাও
2020 চনৰ জুলাই মাহলৈ এই পদবীত অধিষ্ঠিত হৈ থাকিব বিষয়াগৰাকী ৷ ইয়াৰ পূৰ্বেই উক্ত পদবীৰ বাবে চিবিআইৰ প্ৰাক্তন মহানিৰ্দেশক আলোক বাৰ্মাক নিযুক্তি পত্ৰ প্ৰদান কৰা হৈছিল যদিও বিষয়াগৰাকীয়ে এই নিযুক্তি প্ৰত্যাখান কৰিছিল ৷ উল্লেখ্য যে, চলিত বৰ্ষৰ আৰম্ভনিতে ৰাওক আদালত অৱমাননাৰ বাবে উচ্চতম ন্যায়ালয়ে তলৱ কৰিছিল ৷ মুজাফৰপুৰ আশ্ৰয় গৃহৰ গোচৰত তদন্তকাৰী বিষয়াক কোনোধৰণৰ নিৰ্দেশনা অবিহনে বদলি কৰাৰ বাবে দেশৰ সৰ্বোচ্চ আদালতে তলৱ কৰিছিল বিষয়াগৰাকীক ৷