টংলাত কৃষক মুক্তিৰ সুৰা বিৰোধী প্ৰতিবাদ

আবকাৰী মন্ত্ৰী পৰিমল শুক্লবৈদ্যক অপসাৰণৰ কৰাৰ দাবী কৃষক মুক্তিৰ

ওদালগুৰি, ২৪ ফেব্ৰুৱাৰীঃ সুৰা নিষিদ্ধৰ দাবীত উত্তাল টংলা । দেওবাৰে ওদালগুৰি জিলাৰ টংলাত কৃষক মুক্তি সংগ্ৰাম সমিতি আৰু ওদালগুৰি জিলা সমিতিয়ে টংলা চহৰত অসম চৰকাৰৰ আবকাৰী মন্ত্ৰী পৰিমল শুক্লবৈদ্যৰ প্ৰতিকৃতি দাহ কৰি প্ৰতিবাদ সাব্যস্ত কৰে। উল্লেখ্য যে, চুলাই পান কৰি যোৰহাট আৰু গোলাঘাটত ডেৰ শতাধিক লোকৰ মৃত্যু হোৱাৰ পাচতে ৰাজ্যজুৰি আৰম্ভ হৈছে সুৰা বিৰোধী প্ৰতিবাদ । লগতে সংগঠনটোৱে আবকাৰী মন্ত্ৰী পৰিমল শুক্লবৈদ্যক অপসাৰণৰ কৰাৰ লগতে ৰাজ্যত সুৰা নিষিদ্ধ কৰাৰো দাবী উত্থাপন কৰে ।