যোৰহাটত নাহৰফুটুকীৰ আক্ৰমণ যুৱকক

গুৰুতৰভাৱে আহত যুৱকজন

যোৰহাট, ১৮ ফেব্ৰুৱাৰীঃ যোৰহাটত পুনৰ বাঘৰ আতংক। বাঘৰ আক্ৰমণত গুৰুতৰভাৱে আহত এজন যুৱক। যোৰহাটৰ ন-আলি তিমতিমীয়াত দিন-দুপৰতে ঘৰৰ চোতালত বহি থকা অৱস্থাত আক্ৰমণ কৰে নাহৰফুটুকী বাঘে। যাৰ ফলত গুৰুতৰভাৱে আঘাটপ্ৰাপ্ত যুৱকজনক তাৎক্ষণিকভাৱে ভৰ্তি কৰোৱা হয় যোৰহাট চিকিৎসা মহাবিদ্যালয়ত।

উল্লেখ্য যে, বিগত কিছুদিন পূৰ্বে এটা নাহৰফুটুকী পিঞ্জাৰাৱদ্ধ কৰিছিল বন বিভাগে। স্থানীয় ৰাইজে উক্ত স্থানত আৰু নাহৰফুটুকী থকাৰ সন্দেহ কৰিছিল যদিও বন বিভাগে ৰাইজৰ কথাত গুৰুত্ব প্ৰদান নকৰা বুলি অভিযোগ উত্থাপন কৰে।