হোটেল শ্বুলিন গ্ৰেণ্ড কাণ্ড : জিলা প্ৰশাসনৰ কঠোৰ ব্যৱস্থা গ্ৰহণ

১ তাৰিখে সংঘটিত অপ্ৰীতিকৰ কাণ্ডৰ পাছতে কামৰূপ জিলা প্ৰশাসনে বাতিল কৰিছে হোটেল শ্বুলিন গ্ৰেণ্ডৰ আবকাৰী অনুজ্ঞাপত্ৰ ৷ মন্ত্ৰী পৰিমল শুক্লবৈদ্যৰ নিৰ্দেশত জিলা উপায়ুক্ত বিশ্বজিত পেগুৱে গ্ৰহণ কৰে কঠোৰ ব্যৱস্থা ৷

গুৱাহাটী, 11 জুন : গুৱাহাটী মহানগৰীৰ আগশাৰীৰ হোটেল শ্বুলিন গ্ৰেণ্ডৰ আবকাৰী অনুজ্ঞাপত্ৰ বাতিল কৰিছে কামৰূপ জিলাৰ উপায়ুক্ত বিশ্বজিত পেগুৱে ৷ একেটা ভৱনতে সংলগ্ন আন এখন ৰেষ্টুৰেন্টত শ্বুলিন গ্ৰেণ্ডৰ কৰ্মচাৰীয়ে পানীয় যোগান ধৰাৰ চিচিটিভি ফুটেজ ধৰা পৰাৰ পাছতে এই নিৰ্দেশ জাৰী কৰে প্ৰশাসনে ৷

চলিত মাহৰ ১ তাৰিখে হোটেলখনত এই অপ্ৰীতিকৰ কাণ্ড সংঘটিত হোৱাৰ পাছতে মহানগৰীৰ ৰুক্মিনীগাঁওস্থিত শ্বুলিন গ্ৰেণ্ডৰ আবকাৰী অনুজ্ঞা বাতিল কৰা হয় ৷ মন্ত্ৰী পৰিমল শুক্লবৈদ্যৰ নিৰ্দেশত জিলা উপায়ুক্ত গৰাকীয়ে এই কঠোৰ ব্যৱস্থা গ্ৰহণ কৰে ৷