মালিগাঁও, 5 এপ্ৰিলঃ পুৱাৰে পৰা মহানগৰীৰ পাণ্ডুত ফ্লায়িং স্কোৱাডৰ তীব্ৰ অভিযান ৷ প্ৰতিখন বাহনত তন্ন তন্নকৈ কৰিছে তালাচী ফ্লায়িং স্কোৱাডৰ দলে। নিৰ্বাচনৰ সময়চোৱাত যাতে কোনোৱে নিৰ্ধাৰিত ধনতকৈ অধিক ধন নিব নোৱাৰে তাৰ বাবে চোকা দৃষ্টি ৰাখিছে দলটোৱে ।
উল্লেখ্য যে, বৃহস্পতিবাৰে পাণ্ডুত এখন চাৰিচকীয়া বাহনত উদ্ধাৰ হৈছিল ৫ লাখ টকা। ইয়াৰ পাচতেই অধিক তীব্ৰতৰ হৈ পৰিছে ফ্লায়িং স্কোৱাডৰ অভিযানকাৰী দলটো। পাণ্ডু-মালিগাঁৱৰ বিভিন্ন স্থানত জালুকবাৰী আৰক্ষীৰ সহযোগত দলটোৱে চলাইছে তীব্ৰ অভিযান। কোনেও যাতে নিৰ্বাচনী বিধি উলংঘা কৰিব নোৱাৰে তাৰ বাবে অধিক তৎপৰ হৈ উঠিছে আৰক্ষী-প্ৰশাসন ।
