ফাঁচী বজাৰত গ্ৰেপ্তাৰ ক্ৰিকেটৰ বুকী

ফাঁচী বজাৰৰ গলাপট্টীস্থিত সুৰণা মাৰ্কেটত আৰক্ষীয়ে অভিযান চলাই ক্ৰিকেটৰ বুকী গ্ৰেপ্তাৰ কৰে । ললিত সুৰাণা নামৰ বুকীটোৰ পৰা আৰক্ষীয়ে জব্দ কৰে জুৱাৰ বাবে ব্যৱহাৰ কৰা মোবাইল ফোন ।

গুৱাহাটী, ৫ জুলাই : মহানগৰ অপৰাধ অনুসন্ধান শাখা আৰু ফাঁচী বজাৰ আৰক্ষীয়ে যুটীয়াভাৱে অভিযান চলাই ফাঁচী বজাৰৰ গলাপট্টীস্থিত সুৰণা মাৰ্কেটৰ পৰা বৃহস্পতিবাৰে নিশা এটা ক্ৰিকেটৰ বুকী গ্ৰেপ্তাৰ কৰে । অপৰাধ অনুসন্ধান শাখাৰ আৰক্ষী অধীক্ষক জয়ন্ত সিঙৰ নেতৃত্বত গোপন সূত্ৰৰ পম খেদি বুকী ললিত সুৰাণাক গ্ৰেপ্তাৰ কৰা হয় । উল্লেখ্য যে, ললিতে নিজৰ কাৰ্যালয়ৰ পৰাই ক্ৰিকেটৰ নামত জুৱাৰ ৰমৰমীয়া ব্যৱসায় চলাই আহিছিল ।

ললিত সুৰাণাৰ পৰা আৰক্ষীয়ে জব্দ কৰে জুৱাৰ বাবে ব্যৱহাৰ কৰা মোবাইল ফোন । মোবাইল এপছৰ জৰিয়তে ক্ৰিকেটৰ বুকীৰ ৰমৰমীয়া ব্যৱসায় চলাই আহিছিল ললিত সুৰাণাই ।