গুৱাহাটী, ১৩ ফেব্ৰুৱাৰীঃ ৰাজ্যসভাত নাগৰিকত্ব সংশোধনী বিধেয়ক উত্থাপন নোহোৱাত ৰাজীৱ ভৱনত বিজয় উল্লাস পালন কংগ্ৰেছ কৰ্মীৰ । ইজনে সিজনক মিঠাই বিতৰণ কৰাৰ লগতে ফটকা ফুটাই নৃত্যৰ তালে তালে উদযাপন কৰিছে বিধেয়ক বিৰোধী সফলতা । ৰাজ্যসভাত বিধেয়কখন উত্থাপন নোহোৱাটো অসমীয়াৰ লগতে সমগ্ৰ উত্তৰ পূবৰ ৰাইজৰ জয় বুলিয়ে ৰাজীৱ ভৱনত এইদৰে বিজয় উল্লাস পালন কৰে ৰাজ্যৰ কংগ্ৰেছ কৰ্মীসকলে ।
ৰাজীৱ ভৱনত কংগ্ৰেছ কৰ্মীৰ বিজয় উল্লাস
ৰাজ্যসভাত নাগৰিকত্ব সংশোধনী বিধেয়ক ২০১৬ ৰাজ্যসভাত উত্থাপন নোহোৱাৰ পিচতে ৰাজ্যবাসীৰ মাজত আনন্দৰ বন্যা বোৱা পৰিলক্ষিত হৈছে । একেদৰেই আনন্দ উৎসৱ পালন কৰিছে অসমৰ খিলঞ্জীয়া ৰাইজে । ৰাজ্যবাসীৰ লগতে প্ৰদেশ কংগ্ৰেছতো ইয়াক লৈ বিজয় উল্লাস পালন কৰা দেখিবলৈ পোৱা গৈছে ।
![ৰাজীৱ ভৱনত কংগ্ৰেছ কৰ্মীৰ বিজয় উল্লাস](https://etvbharatimages.akamaized.net/etvbharat/images/768-512-2439197-265-71aa0bd2-48fc-4461-ad59-41cf45a6a7ee.jpg)
ৰাজীৱ ভৱন
ৰাজীৱ ভৱন
বিতৰ্কিত নাগৰিকত্ব সংশোধনী বিধেয়কৰ বিৰুদ্ধে সমগ্ৰ উত্তৰ পূব উত্তাল হৈ থকাৰ মাজতে বিৰোধী দল সমূহেও বিভিন্ন সময়ত এই বিলখনৰ বিৰোধিতা কৰি আহিছে । লোকসভাত বিলখন গৃহীত হোৱাৰ পিছত যোৱা দুদিন ধৰি বিৰোধী দলসমূহে ৰাজ্যসভা উত্তাল কৰি ৰখাত এই বিতৰ্কিত বিলখন বুধবাৰে ৰাজ্যসভাত উত্থাপন নহ'ল ।