STF ৰ জালত দুৰ্ধর্ষ গাড়ী চোৰ

অজয় কলিতাৰ পৰা জব্দ 1 খন গোৱালপাৰা জিলাৰ পঞ্জীয়নভুক্ত AS 18 E 0786 নম্বৰৰ ফৰচুনাৰ বাহন

গুৱাহাটী,30 মে’: বৃহস্পতিবাৰে STF ৰ এটা দলে বৰপেটা ৰোডৰ পৰা এখন বিলাসী বাহন জব্দ কৰাৰ লগতে আটক কৰে গাড়ী চোৰক । চণ্ডীগড়ৰ পৰা গাড়ীখন চুৰি কৰিছিল চোৰটোৱে । ধৃত গাড়ী চোৰটোৰ নাম অজয় কলিতা । অজয় কলিতাৰ পৰা জব্দ 1 খন গোৱালপাৰা জিলাৰ পঞ্জীয়নভুক্ত AS 18 E 0786 নম্বৰৰ ফৰচুনাৰ বাহন । ইয়াৰ পূৰ্বে বহিঃৰাজ্যৰ পৰা চুৰি কৰি অনা আন তিনিখন বাহন গুৱাহাটীৰ ৰেডিচন ব্লু হোটেলৰ সমীপৰ পৰা জব্দ কৰাৰ লগতে দুজনক গ্ৰেপ্তাৰ কৰিছিল । উল্লেখ্য যে, চোৰৰ দলটোৱে বহিঃৰাজ্যৰ পৰা গাড়ী সমূহ চুৰি কৰি অসমৰ বিভিন্ন জিলাত পঞ্জীয়ন কৰিছিল ।