শিৱসাগৰত বিজেপি যুৱ মৰ্চাৰ বাইক ৰেলী

শিৱসাগৰৰ পিয়লি ফুকন ষ্টেডিয়ামৰ পৰা শতাধিক বিজেপি সমৰ্থকৰ হাতত বিজেপিৰ পতাকা লৈ বিশাল বাইক ৰেলী

শিৱসাগৰ, ২ মাৰ্চ: শিৱসাগৰ বিধানসভা সমষ্টিত বিজেপি যুৱ মৰ্চাৰ বাইক ৰেলী । আগন্তুক লোকসভা নিৰ্বাচনক কেন্দ্ৰ কৰিয়েই শনিবাৰে নিজ দলৰ শক্তি প্ৰদৰ্শনৰ বাবে এক বিশাল বাইক ৰেলী উলিয়াই বিজেপি যুৱ মৰ্চাই । শিৱসাগৰৰ পিয়লি ফুকন ষ্টেডিয়ামৰ পৰা শতাধিক বিজেপি সমৰ্থকে হাতত বিজেপি পতাকা লৈ বাইক ৰেলীৰে সাধৰণ জনতাক প্ৰভাৱিত কৰিবলৈ চেষ্টা বিজেপি দলৰ ।

আনহাতে, এইবাৰ লোকসভা নিৰ্বাচনত যোৰহাট লোকসভা সমষ্টিৰ বাবে কোনে টিকট লাভ কৰিব সেয়া স্পষ্ট নহয় । বৰ্তমানৰ সাংসদ কামাখ্যা তাছাৰ লগতে এইবাৰ নিৰ্বাচনত টিকট প্ৰত্যাশী ৰূপত অৱৰ্তীণ হোৱাৰ পূৰ্ণ সম্ভাৱনা আছে প্ৰাক্তন ৰাজ্যিক বিজেপিৰ উপসভানেত্ৰী তথা বৰ্তমান শিৱসাগৰ জিলা বিজেপিৰ সভানেত্ৰী সুৰভি ৰাজকুমাৰীৰ ।