মহা অম্বুবাচী মেলাৰ বাবে তৎপৰ কামৰূপ জিলা প্ৰশাসন

মা কামাখ্যা ধামত ২২ জুনৰ পৰা ২৬ জুনলৈ অনুষ্ঠিত হ'বলগীয়া মহা অম্বুবাচী মেলাৰ বাবে তৎপৰ হৈ উঠিছে জিলা প্ৰশাসন । ভক্তৰ সা-সুবিধা তথা নিৰাপত্তাৰ ক্ষেত্ৰতো সৱৰ হৈ পৰিছে জিলা প্ৰশাসন ।

গুৱাহাটী, 18 মে’: শনিবাৰে কামৰূপ জিলা উপায়ুক্ত বিশ্বজিৎ পেগুৰ নেতৃত্বত পৰ্যটন নিগমৰ বিষয়াববীয়া, আৰক্ষীৰ উচ্চপদস্থ বিষয়াসহ এটা দলে পৰ্যবেক্ষণ কৰে নীলাচলৰ চৌপাশ । ২২ জুনৰ পৰা ২৬ জুনলৈ অনুষ্ঠিত হ'বলগীয়া মহা অম্বুবাচী মেলাৰ বাবে সাজু হৈ উঠিছে জিলা প্ৰশাসন ৷

পদব্ৰজে মন্দিৰলৈ অহা প্ৰতিটো পথ তন্ন তন্নকৈ নিৰীক্ষণ কৰাৰ লগতে ঠায়ে ঠায়ে চিচি টিভি কেমেৰা, স্কেনাৰ মেচিন, মেটেল ডিটেক্টৰৰো ব্যৱস্থা কৰাৰ কথা প্ৰকাশ কৰিছে জিলা প্ৰশাসনে । জিলা উপায়ুক্ত বিশ্বজিৎ পেগুৱে প্ৰকাশ কৰা অনুসৰি পূৰ্বৰ তুলনাত অধিক ভক্তৰ আগমন ঘটাৰ সম্ভাৱনা কমাখ্যা ধামলৈ ৷ যাৰ বাবে শিবিৰৰো সংখ্যা বৃদ্ধি কৰাৰ ব্যৱস্থা কৰিব বুলি প্ৰকাশ উপায়ুক্তগৰাকীৰ ৷