ব্ৰহ্মপুত্ৰ সাহিত্য উৎসৱত ব্যৱহাৰ প্লাষ্টিকৰ পতাকা

প্লাষ্টিকৰ পতাকা ব্যৱহাৰ কৰাক লৈ গৰিহণা অসম জাতীয়তাবাদী যুৱ ছাত্ৰ পৰিষদৰ

গুৱাহাটী, ১১ ফেব্ৰুৱাৰীঃ ভাৰতৰ জাতীয় পতাকাৰ লগতে আন দেশৰ প্লাষ্টিক পতাকা ব্যৱহাৰক লৈ তীব্ৰ গৰিহণা অসম জাতীয়তাবাদী যুৱ ছাত্ৰ পৰিষদৰ । ৯ ফেব্ৰুৱাৰীৰ পৰা মহানগৰীৰ শংকৰদেৱ কলাক্ষেত্ৰত আৰম্ভ হোৱা দ্বিতীয় ব্ৰহ্মপুত্ৰ সাহিত্য উৎসৱৰ আজি আছিল অন্তিম দিন । দেশী বিদেশী বহু গুণী-জ্ঞানী লোকে অংশ গ্ৰহণ কৰিছে এই অনুষ্ঠানত।

কিন্তু এই উৎসৱত অংশ গ্ৰহণ কৰা দেশ সমূহৰ পতাকাৰ লগতে প্লাষ্টিকৰে প্ৰস্তুত কৰা ভাৰতৰ জাতীয় পতাকা ব্যৱহাৰ কৰা কাৰ্য্যক তীব্ৰ গৰিহণা দিয়ে অসম জাতীয়তাবাদী যুৱ ছাত্ৰ পৰিষদে। লগতে এই ঘটনাৰ উচিত তদন্ত বিচাৰিছে মহানগৰ জিলা সমিতিৰ সভাপতি প্ৰদীপ কলিতাই ।