উলুবাৰী উৰণীয়া সেতুৰ ওচৰত ৰাজপথত ভয়ংকৰ পথ দুৰ্ঘটনা

একেলগে 5 খন বাহন দুৰ্ঘটনাগ্ৰস্ত হয় উলুবাৰীৰ বিষ্ণুৰাম মেধি উৰণীয়া সেতুৰ ওচৰত

গুৱাহাটী, 23 এপ্ৰিলঃ সোমাবাৰে নিশা একেলগে 5 খন বাহন দুৰ্ঘটনাগ্ৰস্ত হয় উলুবাৰীৰ বিষ্ণুৰাম মেধি উৰণীয়া সেতুৰ ওচৰত। উলুবাৰীৰ পৰা গণেশগুৰি অভিমুখে আহি থকা এখন চিটি বাছে প্ৰথমে খুন্দিয়াই এখন মাৰুটি ৱেগন আৰক তাৰ পাছত চিটি বাছে খুন্দিয়াই পানী ভৰ্তি এখন অটোভেনক, এনেদৰে কেবাখনো বাহনৰ মাজত সৃষ্টি হয় সংঘৰ্ষৰ। ইফালে চিটি বাছখনত নিৰ্বাচনৰ বাবে নিৰাপত্তাৰক্ষী লৈ গৈ থকা অৱস্থাতে এই ভয়ংকৰ দুৰ্ঘটনাটো সংঘটিত হয় । দুৰ্ঘটনাটোৰ ফলত তীব্ৰ যানজটৰ সৃষ্টি হয় । দুৰ্ঘটনা সংঘটিত কৰিয়েই পলায়ন কৰে বাছ খনৰ চালকজনে । এই পথ দুৰ্ঘটনাত পানী ভৰ্তি আটোভেনখনৰ চালকজন গুৰুতৰভাৱে আহত হয় । আৰক্ষীয়ে গুৰুতৰভাৱে আহত অটোভেন চালকজনক চিকিৎসাৰ বাবে গুৱাহাটী মেডিকেল কলেজ হাস্পতালত ভৰ্তি কৰোৱা হয় ।