মহানগৰীত গ্ৰেপ্তাৰ ড্ৰাগছ সৰবৰাহকাৰী

ৰে'ল ষ্টেচনত পুনৰ উদ্ধাৰ ড্ৰাগছ

গুৱাহাটী, ১২ ফেব্ৰুৱাৰীঃ মঙলবাৰে অসম আৰক্ষীৰ অপৰাধ অনুসন্ধান শাখা আৰু গুৱাহাটী ৰেলৱে আৰক্ষী চকীৰ এক যুটীয়া অভিযানত জব্দ হয় ২৪ গ্ৰাম সন্দেহজনক হেৰ'ইন । গুৱাহাটী ৰেলৱে ষ্টেচনৰ ডিজেল শ্বেডৰ সমীপৰ পৰা তিনিগৰাকী মহিলাক ড্ৰাগছসহ আটক কৰিবলৈ সক্ষম হয় আৰক্ষীয়ে ।

ড্ৰাগছ সৰবৰাহকাৰী

ধৃত মহিলাকেইগৰাকী দৰং জিলাৰ দলগাঁও আৰক্ষী চকীৰ অন্তৰ্গত অচিন গাছতোলাৰ অউহিত জামালৰ পত্নী মৰজিনা বেগম (৩০), কোকৰাঝাৰ জিলাৰ গোসাইগাঁও আৰক্ষী চকীৰ অন্তৰ্গত টংলাপিঠা গাঁওৰ ৰাজাক আলীৰ পত্নী মমিৰাম বেগম(৩০) আৰু কোকৰাঝাৰ জিলাৰ ফকিৰাগ্ৰাম আৰক্ষী চকীৰ অন্তৰ্গত তথা ফকিৰাগ্ৰাম গাঁওৰ কামৰূল জামালৰ পত্নী ভানু বেগম(৪০) বুলি চিনাক্ত কৰিছে অনুসন্ধানকাৰী দলে ।

মহিলাকেইগৰাকীৰ পৰা ২ গ্ৰাম ওজনৰ ১২ টাকৈ প্লাষ্টিকৰ পাত্ৰৰ পৰা মুঠ ২৪ গ্ৰাম সন্দেহজনক হেৰ'ইন জব্দ কৰিছে অনুসন্ধানকাৰী দলটোৱে । ইতিমধ্যে ঘটনা সন্দৰ্ভত গুৱাহাটী ৰেলৱে আৰক্ষী চকীত ৩১/২০১৯ নম্বৰত এন ডি পি এছ আইনৰ ধাৰা u/s ২০ (A)/২৯ ধাৰাত এটি গোচৰ ৰুজু হৈছে ।