কিশোৰীক অপহৰণ কৰিব নোৱাৰি পৰিয়ালৰ ওপৰত আক্ৰমণ যুৱকৰ

দক্ষিণ মোহনপুৰ গাঁও পঞ্চায়তৰ অৰ্ন্তগত গোবিন্দনগৰ দ্বিতীয় খণ্ডৰ পান্না দাসে এগৰাকী কিশোৰী বিদ্যালয়লৈ অহাযোৱা কৰোতে দীৰ্ঘদিনৰ পৰা অশালীন ব্যৱহাৰ কৰাৰ গুৰুতৰ অভিযোগ উত্থাপন হৈছে ৷ সম্প্ৰতি পান্ন দাসক বিচাৰি আৰক্ষীয়ে তদন্ত আৰম্ভ কৰিছে ৷

কাছাৰ, 27 জুন : কাছাৰত সংঘটিত হৈছে এক জঘন্য ঘটনা ৷ এগৰাকী কিশোৰীক অপহৰণ কৰিবলৈ চেষ্টা কৰি ব্যৰ্থ হৈ কিশোৰী গৰাকীৰ লগতে পৰিয়ালৰ লোকক আক্ৰমণ কৰিলে এজন যুৱকে ৷ অভিযোগ অনুসৰি একে গাঁৱৰে পান্না দাস নামৰ যুৱকজনে কিশোৰী গৰাকীক অপহৰণ কৰিবলৈ চেষ্টা কৰিছিল ৷ সম্প্ৰতি পান্না দাসৰ বিৰুদ্ধে সোনাই আৰক্ষী চকী (Sonai Police station) ত এজাহাৰ দাখিল কৰিছে ভুক্তভোগী পৰিয়ালটোৱে ৷

শুকুৰবাৰে কিশোগৰাকীৰ পিতৃয়ে জনোৱা অনুসৰি দক্ষিণ মোহনপুৰ গাঁও পঞ্চায়তৰ অৰ্ন্তগত গোবিন্দনগৰ দ্বিতীয় খণ্ডৰ পান্না দাসে কিশোৰী গৰাকী বিদ্যালয়লৈ অহাযোৱা কৰোতে দীৰ্ঘদিনৰ পৰা অশালীন ব্যৱহাৰ কৰাৰ গুৰুত্ব অভিযোগ উত্থাপন কৰিছে ৷ ইপিনে কিশোৰী গৰাকীয়ে এনে ধৰণৰ অশালীন ব্যৱহাৰ নকৰিবলৈ পান্না দাসক বাৰে বাৰে অনুৰোধ জনোৱাৰ পাচতো এই কাৰ্যকৰি গৈ আছিল ৷

আনহাতে কিশোৰী গৰাকীয়ে সমগ্ৰ ঘটনাৰ বিষয়ে ঘৰত কোৱাৰ পাচতে দাদায়েকে পান্না দাসৰ ঘৰত গৈ এনে কাৰ্য নকৰিবলৈ অনুৰোধ কৰে ৷ তাৰপাচতে যোৱা 21 তাৰিখে কিশোৰী গৰাকীৰ দাদায়েকক অপহৰণ কৰি শাৰীৰিক ভাবে অত্যাচাৰ কৰে ৷ পৰিয়ালৰ লোকে কিশোৰী গৰাকীৰ দাদায়েকক বচাবলৈ যাওতে পৰিয়ালটোৰ ওপৰতো আক্ৰমণ কৰে ৷ ঘটনাটো সংঘটিত হোৱাৰ পাচতে পৰিয়ালটোৱে আৰক্ষীৰ কাষ চাপে ৷ জানিব পৰা মতে পান্না দাস সম্প্ৰতি পলাতক হৈ আছে ৷ আৰক্ষীয়ে পান্ন দাসক বিচাৰি তদন্ত প্ৰক্ৰিয়া আৰম্ভ কৰিছে ৷

উল্লেখযোগ্য যে, ৰাজ্যত ক্ৰমাৎ বৃদ্ধি পাইছে হত্যা, হিংসা আৰু ধৰ্ষণৰ ঘটনা ৷ শেহতীয়াভাৱে কোকৰাঝাৰৰ দুই কিশোৰীক ধৰ্ষণ কৰি গছত ওলোমাই থৈ যোৱা ঘটনাৰ চাঞ্চল্য মাৰ নৌযাওতেই মৰিগাঁৱত সংঘটিত হৈছিল অনুৰূপ ঘটনা ৷ মৰিগাঁও জিলাৰ লাহৰীঘাটৰ বালিডোঙাত এটি ৯ বছৰীয়া শিশুক ধৰ্ষণ কৰি হত্যা কৰি মৰাপাটৰ খেতিত পেলাই থৈ যোৱা নাৰকীয় কাণ্ডৰ মূল অভিযুক্ত ছৈয়দ আলীক শনিবাৰে গ্ৰেপ্তাৰ কৰিছে মৰিগাঁও আৰক্ষীয়ে ৷

লগতে পঢ়কঃ অসম আৰক্ষীৰ ১৯৩ গৰাকী আৰক্ষী বিষয়াক বদলি