7 বজাৰ শীৰ্ষ 10 টা বাতৰি

7 বজাৰ শীৰ্ষ 10 টা বাতৰি

গুৱাহাটীত আকৌ নতুন তিনিখন উৰণীয়া সেঁতু নিৰ্মাণ কৰা হ'ব । বৰঝাৰ বিমানবন্দৰৰ টাৰ্মিনেল বিল্ডিঙৰ ওচৰৰ পৰা আজাৰালৈ নতুন পথ নিৰ্মাণ কৰা হ'ব । অহা ৫ ডিচেম্বৰৰ পৰা ১৮ ডিচেম্বৰলৈ চৰকাৰে কেইবাখনো জিলাৰ বিকাশৰ বাবে এটা পষেক কাৰ্যসূচী ৰূপায়ণ কৰিব । এনে বহুকেইটা গুৰুত্বপূৰ্ণ সিদ্ধান্ত গ্ৰহণ কৰা হয় মঙলবাৰে শিলচৰত অনুষ্ঠিত কেবিনেট বৈঠকত(Assam cabinet in Silchar) ৷

ৰাজ্যত বাৰ্মিজ চুপাৰিৰ চোৰাং সৰবৰাহ (Barmese Supari) । এইবাৰ মহানগৰী আৰক্ষীৰ অপৰাধ শাখাৰ জালত পৰিল ম'ষ্ট ৱান্টেড চুপাৰি মাফিয়া যশবীৰ সিং চাটোৱাল । হাজাৰ কোটিতকৈও অধিক সম্পত্তিৰ গৰাকী চুপাৰি মাফিয়া যশবীৰ ।

আজি অনিমেশ ভূঞাৰ হত্যাকাণ্ডই সম্পূৰ্ণ কৰিলে এটা বছৰ (Animesh Bhuyan murder case completed a year)৷ যোৰহাটৰ মাজমজিয়াত আয়োজন কৰা হয় ৰাজহুৱা শ্ৰদ্ধাঞ্জলি অনুষ্ঠানৰ (Tribute ceremony of Animesh Bhuyan)৷ এই অনুষ্ঠানত উপস্থিত থাকি শোকত ভাগি পৰে অনিমেশৰ বৃদ্ধ পিতৃ-মাতৃ ৷

চাকৰি নিয়মীয়াকৰণৰ দাবীৰে সংবাদমেল সম্বোধন কৰে বিদ্যুৎ কৰ্মীসকলে । APDCL, AEGCL আৰু APGCLত অস্থায়ীভাৱে কাম কৰি থকা প্ৰায় ৫ হাজাৰ কৰ্মীয়ে দাবী তুলিলে চাকৰি নিয়মীয়াকৰণৰ(Demand for regularisation of job) ।

ৰাজ্যত প্ৰতিদিনেই বৃদ্ধি পাইছে বন্যহস্তীৰ উপদ্ৰৱৰ ঘটনা(Wild elephant menace in Assam) । সোণগুটি চপোৱাৰ সময়তে বন্যহস্তীৰ উপদ্ৰৱত ত্ৰাহি মধুসূদন সুঁঁৱৰিছে কৃষকে । সোণাৰিতো বৃহৎ বন্যহস্তীৰ জাকে সৃষ্টি কৰিছে এক আতংকময় পৰিৱেশৰ(Wild elephant scare at Sonari) ।

ৰেগিঙৰ গ্ৰাসত ৰাজ্যৰ অধিকাংশ শিক্ষানুষ্ঠানৰ ছাত্ৰ নিৱাস ৷ ৰেগিঙৰ বলি হৈ কিদৰে ডিব্ৰুগড় বিশ্ববিদ্যালয় এৰিব লগা হৈছিল বিৱৰি ক’লে যোৰহাটৰ এজন ভুক্তভোগী ছাত্রই(Again raging incident in Dibrugarh university) ৷

এইবাৰ চীনৰ Foxconn আৰু Zhengzhou কাৰখানাৰ আইফোন প্ৰ’ মডেলৰ প্ৰডাকশ্যনৰ দুৰ্বল অৱস্থাৰ বাবে কৰ্মচাৰীসকলৰ মাজত অশান্তিৰ সৃষ্টি হৈছে ৷ যাৰ ফলত এপলৰ আইফোন নিৰ্মাণ কোম্পানীত গভীৰ প্ৰভাৱ পৰিছে ।

গুৱাহাটীৰ ভেটাপাৰাত তিনি মহলাৰ পৰা পৰি এগৰাকী বৃদ্ধাই মৃত্যুক সাৱতি ল'বলগীয়া হৈছে (Old women mysterious death at Basistha)৷ বৃদ্ধা গৰাকীৰ বয়স প্ৰায় ৭৫ বছৰ ৷

মহানগৰীত পৰিকল্পিত অপৰাধ নিয়ন্ত্ৰণত চৰম ব্যৰ্থতা প্ৰদৰ্শন কৰিছে আৰক্ষীয়ে । যোৱা ছয় বছৰত মহানগৰীত অপৰাধৰ ঘটনা বৃদ্ধি পাইছে । তথ্য মতে ২০১১ চনৰ পৰা ২০১৫ চনলৈ গুৱাহাটী মহানগৰীত মুঠ ১৮,৬৬৬ টা হত্যা, অপহৰণ, ডকাইতি, চুৰি আদি বিভিন্ন অপৰাধৰ ঘটনা সংঘটিত হৈছিল । তাৰ বিপৰীতে ২০১৬ চনৰ পৰা ২০২২ চনৰ এতিয়ালৈকে গুৱাহাটী মহানগৰীত মুঠ ৩১,০০৫ টা হত্যা, অপহৰণ, ডকাইতি, চুৰি আদি বিভিন্ন অপৰাধৰ ঘটনা সংঘটিত হৈছে (Crime statistics in Guwahati)।

পুনৰ ৰেগিংকাণ্ডই জোকাৰি গৈছে ডিব্ৰুগড় চহৰ (Ragging in Dibrugarh) ৷ ঐতিহ্যমণ্ডিত ডিব্ৰুগড় বিশ্ববিদ্যালয়ৰ পাচত এইবাৰ অসম মেডিকেল কলেজ হাস্পতালত (AMCH) সংঘটিত হৈছে ভয়ংকৰ ৰেগিংকাণ্ড (Ragging in AMCH) । যাৰ ফলত AMCH ৰ এন্টি ৰেগিং চেলে 6 মাহৰ বাবে বহিষ্কাৰ কৰে দুই ছাত্ৰক ৷