শিলচৰত আৰক্ষী অধীক্ষকৰ বাসগৃহৰ সন্মুখতেই ধন লুট

এগৰাকী অৱসৰপ্ৰাপ্ত সেনা জোৱানৰ পৰা দুৰ্বৃত্তই লুটি লৈ গ'ল প্ৰায় 70 হাজাৰ টকাৰ লগতে নথি-পত্ৰ ৷ তাৰাপুৰ মণিপুৰীবস্তি নিবাসী ৰামমোহন সিং নামৰ লোকজনে এখন বাহন কিনাৰ উদ্দেশ্যে বেংকৰ পৰা উলিয়াইছিল ধনখিনি ৷

শিলচৰ, 28 মে': শিলচৰত আৰক্ষী অধীক্ষকৰ চৰকাৰী বাসভৱনৰ সন্মুখতেই দিন-দুপৰতে ধন লুট ৷ এগৰাকী অৱসৰপ্ৰাপ্ত সেনা জোৱানৰ পৰা দুৰ্বৃত্তই লুটি লৈ গ'ল প্ৰায় 70 হাজাৰ টকাৰ লগতে নথি-পত্ৰ ৷ তাৰাপুৰ মণিপুৰীবস্তি নিবাসী ৰামমোহন সিং নামৰ লোকজনে এখন বাহন কিনাৰ উদ্দেশ্যে বেংকৰ পৰা উলিয়াইছিল ধনখিনি ৷

কাছাৰৰ আৰক্ষী অধীক্ষকৰ বাসভৱনত কৰ্মৰত ভাতৃক সাক্ষাৎ কৰাৰ সময়তে দুৰ্বৃত্তই স্কুটীৰ পৰা ধনসহ নথি-পত্ৰখিনি লৈ উধাও হয় ৷ আৰক্ষী অধীক্ষকৰ চৰকাৰী বাসগৃহৰ সন্মুখতে সংঘটিত ধনলুটৰ এই ঘটনাই চাঞ্চল্যৰ সৃষ্টি কৰিছে ৷