শিলচৰত চাঞ্চল্যকৰ ডকাইতি কাণ্ড

20 জনীয়া বন্দুকধাৰী এটা বৃহৎ ডকাইতৰ দলে দিধাৰ আহমেদ লস্কৰ আৰু তেঁওৰ ভায়েক আনোৱাৰা হুছেইন লস্কৰ নামৰ ব্যক্তি দুগৰাকীৰ ঘৰৰ দুৱাৰ ভাঙি প্ৰৱেশ কৰি সংঘটিত কৰে ডকাইতি কাণ্ড ৷

শিলচৰ,24 এপ্ৰিলঃকাছাৰ জিলাৰ বুধুৰাইলত শুকুৰবাৰে নিশা এক ডকাইতিৰ কাণ্ড সংঘটিত হয় ৷ বুধুৰাইল অঞ্চলৰ দুঘৰ ব্যক্তিৰ ঘৰত বন্দুকধাৰী ডকাইতৰ দলটো সোমোই নগদ ধনসহ সোণৰ আ-অলংকাৰ লুটি লৈ যায় ৷ জানিব পৰা মতে, 20 জনীয়া বন্দুকধাৰী এটা বৃহৎ ডকাইতৰ দলে দিধাৰ আহমেদ লস্কৰ আৰু তেঁওৰ ভায়েক আনোৱাৰা হুছেইন লস্কৰ নামৰ ব্যক্তি দুগৰাকীৰ ঘৰৰ দুৱাৰ ভাঙি প্ৰৱেশ কৰি সংঘটিত কৰে ডকাইতি কাণ্ড ৷

ডকাইতৰ দলটোৱে নগদ 2 লাখ টকা নগদ ধন সহ প্ৰায় 10 লাখ টকাৰ সোণৰ আ-অলংকাৰ লুটি লৈ যায় ৷ ইপিনে ডকাইতৰ দলটোৰ আক্ৰমণত পৰিয়ালৰ পাঁচজনকৈ লোক আহত হয় ৷ সম্প্ৰতি সমগ্ৰ ঘটনাৰ সৰ্ন্দভত অঞ্চলটোত তীব্ৰ চাঞ্চল্যই বিৰাজ কৰিছে ৷ ইতিমধ্যে সমগ্ৰ ঘটনাৰ সৰ্ন্দভত আৰক্ষীয়ে তদন্ত অব্যাহত ৰাখিছে বুলি জানিব পৰা গৈছে ৷

লগতে পঢ়কঃ ক’ভিডৰ সুযোগ লৈ নগাঁৱত অত্যাৱশ্যকীয় সামগ্ৰীৰ মূল্যবৃদ্ধি