তৃণমূল কৰ্মীয়ে ৰাজহুৱা কৰিলে কাছাৰ জিলা বিজেপিৰ অন্তঃকন্দল

কাছাৰ জিলা বিজেপিৰ দলীয় কৰ্ম-কৰ্তাসকলে মংগলবাৰে এক সাংবাদ মেল আয়োজন কৰি কাছাৰ জিলা বিজেপিৰ সভাপতিৰ বিৰুদ্ধে বিভিন্ন অভিযোগ ব্যক্ত কৰে । তেওঁলোকে কয় যে, কাছাৰ জিলা বিজেপিৰ নেতৃবৃন্দই সম্মান প্ৰদৰ্শন নকৰে তৃণমূল কৰ্মী সকলক ।

শিলচৰ, 15 ছেপ্টেম্বৰ : কাছাৰ জিলাত বিজেপিৰ অন্তঃকন্দল । কাছাৰৰ জিলা বিজেপিৰ সভাপতি আৰু দলীয় নেতৃত্বক লৈ ক্ষোভ প্ৰকাশ দলীয় কাৰ্ম-কৰ্তাৰ । কংগ্ৰেছৰ নিয়ম-নীতি লৈ চলিছে কাছাৰ জিলা বিজেপি । কয়লা-চুপাৰীৰ ছিণ্ডিকেটক লৈ ব্যস্ত থকাৰ অভিযোগ কাছাৰ জিলা বিজেপিৰ বিৰুদ্ধে ৷

দলীয় কৰ্ম-কৰ্তাসকলে মংগলবাৰে এক সাংবাদ মেল আয়োজন কৰি কাছাৰ জিলা বিজেপিৰ সভাপতিৰ বিৰুদ্ধে বিভিন্ন অভিযোগ ব্যক্ত কৰে । তেওঁলোকে কয় যে, কাছাৰ জিলা বিজেপিৰ নেতৃবৃন্দই সম্মান প্ৰদৰ্শন নকৰে তৃণমূল কৰ্মী সকলক । কংগ্ৰেছী নীতিৰে বিজেপিৰ কাম-কাজ চলোৱা বুলি উল্লেখ কৰে কৰ্মী সকলে ।

কাছাৰ জিলা বিজেপি সভাপতিৰ বিৰুদ্ধে দুৰ্নীতিৰো অভিযোগ আনিছে তেওঁলোকে । সভাপতিগৰাকীয়ে দুৰ্নীতিৰ টকাৰে লক্ষ্মীপুৰ অঞ্চলত বিশাল অট্টালিকা নিৰ্মান কৰা বুলি অভিযোগ তোলে কৰ্মীসকলে । চুপাৰীৰ লগতে বিভিন্ন ছিণ্ডিকেটৰ সৈতে সভাপতি গৰাকী জড়িত বুলি দাবী কৰে কাছাৰ জিলা বিজেপিৰ তৃণমূল কৰ্মীসকলে ৷

লগতে পঢ়ক :কাইলৈ গোলাঘাটত অনুষ্ঠিত হ'ব অসম আৰক্ষীৰ নিযুক্তিৰ শাৰীৰিক পৰীক্ষা