শিলচৰত কাগজকল পুনৰোজ্জীৱিত কৰাৰ দাবীত চি পি এমৰ ধৰ্ণা কাৰ্যসূচী

শুকুৰবাৰে চি পি এমে ৰাজ্যজুৰি কাগজকলৰ পুনৰ্জীৱিত কৰাৰ দাবীত ধৰ্ণা কাৰ্যসূচী পালন কৰে ৷ লগতে কাগজকল দুটা পুনৰোজ্জীৱিত কৰিবলৈ 28 মে'ত এক বৃহৎ আন্দোলনৰ কাৰ্যসূচী গ্ৰহণ কৰাৰ কথা ঘোষণা ৷

কাছাৰ,10মে': শুকুৰবাৰে চি পি এমে কাছাৰ আৰু নগাঁও কাগজকল দুটা শীঘ্ৰে পুনৰোজ্জীৱিত কৰিবলৈ ৰাজ্যজুৰি ধৰ্ণা কাৰ্যসূচী পালন কৰে ৷ সমান্তৰালকৈ শুকুৰবাৰে শিলচৰতো শ্বহীদ ক্ষুদিৰাম বসুৰ মূৰ্তিৰ সমীপত ধৰ্ণা কাৰ্যসূচী পালন কৰে ৷ এই কাৰ্যসূচীতে চি পি এম আৰু ট্ৰেড ইউনিয়নৰ নেতা সুপ্ৰিয় ভট্টাচাৰ্যই এই কাগজকল দুটা অতিশীঘ্ৰে মুকলিৰ দাবী জনাই মিল দুটাৰ কৰ্মচাৰীসকলে প্ৰাপ্য বকেয়াৰ মুকলিৰো দাবী কৰে ৷ লগতে তেওঁ কয় যে ৰাজ্যত যিয়েই চৰকাৰ আহে তেওঁলোকৰ সৈতে আলোচনাত মিলিত হৈ বকেয়াসহ পাবলগীয়া ধন সমূহ মুকলিৰ বাবে দাবী জনাব আৰু বৰাকত চি পি আই এমে 28 মে'ত এক বৃহৎ আন্দোলনৰ কাৰ্যসূচী গ্ৰহণ কৰাৰ কথা জানিবলৈ দিয়ে ৷