শিলচৰত বিনামূলীয়া শালি ধানৰ কঠিয়া বিতৰণ কৃষি বিভাগৰ

শিলচৰত বানাক্ৰান্ত কৃষক ৰাইজক বিনামূলীয়াকৈ শালি ধানৰ কঠিয়া বিতৰণ ৷ 170 জন কৃষকৰ মাজত বিতৰণ কৰে এই কঠিয়া ৷

শিলচৰ, 13 আগষ্টঃ কাছাৰ জিলাৰ শিলচৰত বানাক্ৰান্ত কৃষক ৰাইজক বিনামূলীয়াকৈ শালি ধানৰ কঠিয়া বিতৰণ কৰা হয় ৷ জিলাখনৰ বানাক্ৰান্ত কৃষকসকলক কৃষি বিভাগে যোগান ধৰে এই বিনামূলীয়া শালিধানৰ কঠিয়া ৷

উল্লেখ্য যে, ৰাজ্যত নেৰানেপেৰা বৰষুণৰ ফলত বিভিন্ন জিলাত ভয়ংকৰ বান পৰিস্থিতিৰ সৃষ্টি হয় ৷ উক্ত বানত কৃষকসকলৰ লগতে ৰাইজৰ বহু সা-সম্পত্তিৰ লগতে কৃষিভূমি নষ্ট হয় ৷ ইফালে শালি ধান খেতিৰ বাবে কৃষকসকলে পৰা কঠিয়া সমুহ নষ্ট হোৱাত মূৰে কঁপালে হাত দিবলগীয়া পৰিস্থিতিৰ সৃষ্টি হৈছে কৃষক ৰাইজৰ ৷ ইফালে কৃষক ৰাইজক সহায় কৰা উদ্দেশ্যে বিভিন্ন জিলাত ইতিমধ্যে চৰকাৰৰ ফালৰ পৰা বিনামূলীয়াকৈ বীজ যোগান ধৰাৰ লগতে কঠিয়া পৰা ব্যৱস্থা কৰে চৰকাৰে ৷

ঠিক একেদৰে কাছাৰ জিলাৰ বানাক্ৰান্ত কৃষক সকলৰ বাবেও বুধবাৰে ইতিমধ্যে কাছাৰ জিলা কৃষি বিভাগৰ কার্যালয়ত শালি ধানৰ কঠিয়া বিতৰণ কৰে জিলা কৃষি বিভাগে ৷ উক্ত কঠিয়া বিতৰণ অনুষ্ঠানত 170 জন কৃষকৰ মাজত বিতৰণ কৰে এই কঠিয়া সমূহ ৷

এই কঠিয়া বিতৰণ অনুষ্ঠানত উপস্থিত থাকে তাপাঙ ব্লকৰ এপি সভানেত্ৰী অনুৰাধা দেৱ কৃষি বিভাগৰ তাপাং ব্লকৰ উন্নয়ণ বিষয়া অপূৰ্ব লোচন নাথৰ লগতে বিজেপিৰ ব্লক মণ্ডলৰ সাধাৰণ সম্পাদক সঞ্জীব দেৱ ।

লগতে পঢ়ক-২ অক্টোবৰৰ পৰা ৰাজ্যৰ ১৭ লাখ পৰিয়ালে প্ৰতিমাহে লাভ কৰিব ৮৩০ টকাকৈ