অসমত আৱদ্ধ উত্তৰ প্ৰদেশৰ শ্ৰমিকক সহায়ৰ হাত বিধায়ক কিশোৰ নাথৰ

কাছাৰ জিলাৰ বৰখলা সমষ্টিৰ বিজেপি বিধায়ক কিশোৰ কুমাৰ নাথে উত্তৰ প্ৰদেশৰ পৰা আহি কাছাৰত আৱদ্ধ হৈ থকা শ্ৰমিকসকলক আগবঢ়ায় সহায়ৰ হাত ৷ খোজকাঢ়ি ৰে’লপথেৰে উত্তৰ প্ৰদেশৰ নিজ গৃহলৈ গৈ থকা শ্ৰমিকসকলক স্থানীয় ৰাইজৰ তৎপৰতাত উপস্থিত হৈ তেওঁলোকক শিলচৰ আইএচবিটিলৈ নিয়ে আৰু খোৱাৰ ব্যৱস্থা কৰে বিধায়কগৰাকীয়ে ।

কাছাৰ, 17 মে’: কাছাৰ জিলাৰ বৰখলা সমষ্টিৰ বিজেপি বিধায়ক কিশোৰ কুমাৰ নাথৰ সহায়ৰ হাত ৷ অসমত শ্ৰমিক হিচাপে থকা উত্তৰ প্ৰদেশৰ পৰা শ্ৰমিকসকলৰ সহায়ৰ হাত আগবঢ়াইছে বিধায়কগৰাকীয়ে । বিগত দুমাহ ধৰি বন্দী হৈ থকা শ্ৰমিককেইজনে খোজকাঢ়ি ৰে’লপথেৰে নিজ গৃহজিলালৈ গৈ থকা অৱস্থাত স্থানীয় লোকৰ সহায়ত তেওঁলোকক শিলচৰ আইএচবিটিলৈ নিয়ে আৰু তেওঁলোকক খাদ্য সামগ্ৰীৰ যোগান ধৰে ।

ইয়াৰ লগতে হাতত টকা প্ৰদান কৰি তেওঁলোকক নিজ ঘৰলৈ উভতি যোৱাৰ ব্যৱস্থা কৰি দিয়া বুলি জানিব পৰা গৈছে ।

লগতে পঢ়ক: লক ডাউন: বিমানবন্দৰৰ টেক্সি চালকৰ দুৰাৱস্থা