কাছাৰ, 8 আগষ্ট :অসম-মিজোৰাম সীমান্ত সমস্যা অচিৰেই আলোচনাৰ মাজেৰে সমাধান হ’ব ৷ শনিবাৰে কাছাৰ জিলাৰ লাইলাপুৰত উপস্থিত হৈ এই মন্তব্য কৰে অভিভাৱক মন্ত্ৰী অশোক সিংঘাল আৰু মন্ত্ৰী পৰিমল শুক্লবৈদ্য(Minister Parimal Shuklabaidya)ই । উল্লেখ্য যে, মুখ্যমন্ত্ৰীৰ নিৰ্দেশত শনিবাৰে অসম-মিজোৰাম সীমান্তত উপস্থিত হয় অভিভাৱক মন্ত্ৰী অশোক সিংঘাল আৰু মন্ত্ৰী পৰিমল শুক্লবৈদ্য ।
মিজোৰামৰ বিৰুদ্ধে প্ৰত্যাহাৰ অৰ্থনৈতিক অৱৰোধ: পৰিমল শুক্লবৈদ্য
সীমান্তত উপস্থিত হৈ মন্ত্ৰী অশোক সিংঘাল আৰু পৰিমল শুক্লবৈদ্য লাইলাপুৰ আৰক্ষী চকীত স্থানীয় ৰাইজৰ লগত এখন বৈঠকত মিলিত হয় । মন্ত্ৰীদ্বয়ে ৰাইজৰ সৈতে আলোচনা কৰি অৰ্থনৈতিক অৱৰোধ উঠাই লোৱাৰ বাবে আহ্বান জনায় ৷ স্থানীয় লোকৰ সৈতে আলোচনাৰ অন্তত মন্ত্ৰী অশোক সিংঘাল আৰু পৰিমল শুক্লবৈদ্যই এখন সংবাদমেল সম্বোধন কৰি এই কথা সদৰী কৰে ৷