শিলচৰ, 16 জুলাই:মেঘালয়ৰ সদ্যঘোষিত হাইস্কুল শিক্ষান্ত পৰীক্ষাত ৰাজ্যখনৰ ভিতৰতে সৰ্বোচ্চ নম্বৰ লাভ কৰি শীৰ্ষস্থান দখল কৰিবলৈ সক্ষম হৈছে বৰাকৰ মেধাৱী ছাত্ৰী মহিমা সিনহাই ৷ হাইস্কুল শিক্ষান্ত পৰীক্ষাত 500 নম্বৰৰ ভিতৰত মুঠ 428 নম্বৰ লাভ কৰিছে ছেইণ্ট এন্থনী উচ্চতৰ মাধ্যমিক বিদ্যালয়ৰ ছাত্ৰী মহিমাই ৷ উল্লেখ্য যে,মেঘালয়ৰ পৰা হাইস্কুল শিক্ষান্ত পৰীক্ষাত উত্তীৰ্ণ হ'লেও ছাত্ৰী গৰাকীৰ ঘৰ কৰিমগঞ্জ জিলাৰ পাথাৰকান্দিত ৷ পিতৃ-মাতৃৰ চাকৰিসূত্ৰে দীৰ্ঘদিন ধৰি মেঘালয়ত বসবাস কৰি আছে ছাত্ৰী গৰাকীৰ পৰিয়ালে ৷
মেঘালয়ৰ হাইস্কুল শিক্ষান্ত পৰীক্ষাত শীৰ্ষ স্থান দখল মহিমা সিনহাৰ