শিলচৰ,17 ফেব্ৰুৱাৰী:মঙলবাৰে কাছাৰ জিলাৰ বৰখলা সমষ্টিৰ বিধায়ক কিশোৰ নাথে যোৱা পাঁচ বছৰত সমষ্টিৰ উন্নয়ন সন্দৰ্ভত সাফল্যৰ খতিয়ান শীৰ্ষক এখন আলোচনী প্রকাশ কৰে ৷ বিধায়কগৰাকীৰ বাসভৱনত অনুষ্ঠিত এক অনুষ্ঠানত আলোচনীখন প্ৰকাশ কৰি সামগ্ৰিকভাৱে জিলাখনৰ উন্নয়নৰ খতিয়ান দাঙি ধৰে ৷ জিলা বিজেপিৰ শীৰ্ষপৰ্যায়ৰ কেইবাগৰাকীও নেতাৰ উপস্থিতিত আলোচনীখন প্ৰকাশ কৰা হয় ৷
সমষ্টি উন্নয়নৰ খতিয়ান শীৰ্ষক আলোচনী প্রকাশ - Magazine inauguration at silchar
জিলা বিজেপিৰ শীৰ্ষ পৰ্যায়ৰ কেইবাগৰাকীও নেতাৰ উপস্থিতিত মঙলবাৰে কাছাৰ জিলাৰ বৰখলা সমষ্টিৰ বিধায়ক কিশোৰ নাথে এখন আলোচনী প্রকাশ কৰে ৷ বিধায়কৰ বাসভৱনত অনুষ্ঠিত এক অনুষ্ঠানত যোৱা পাঁচ বছৰৰ সমষ্টিৰ উন্নয়ন সন্দৰ্ভত সাফল্যৰ খতিয়ান শীৰ্ষক আলোচনীখন প্ৰকাশ কৰা হয় ৷
সমষ্টি উন্নয়নৰ খতিয়ান সন্দৰ্ভত আলোচনী প্রকাশ বিধায়ক কিশোৰ নাথৰ
উল্লেখ্য যে, আলোচনী প্রকাশ অনুষ্ঠানত উপস্থিত থাকে সাংগঠনিক সম্পাদক নিত্যভূষণ দে’, ৰাজ্যিক বিজেপিৰ সদস্য শশাংক শেখৰ ধৰ, বৰখলা বিধানসভা সমষ্টিৰ কেন্দ্রীয় প্রভাৰী বিমলেন্দু ৰয়, শালচাপৰা মণ্ডলৰ সভাপতি পীয়ুষকান্তি পাল আদি ৷ সাফল্যৰ খতিয়ান শীৰ্ষক আলোচনীখন বুথ সভাপতিসকলৰ হাতত অৰ্পণ কৰাৰ বাবে প্রত্যেক পঞ্চায়ত আৰু শক্তিকেন্দ্র প্রমুখ সমূহক নির্দেশ প্ৰদান কৰে বিধায়ক কিশোৰ নাথে ।