ধ্ৰুৱজ্যোতিৰ হত্যাকাৰীক কঠোৰ শাস্তিৰ দাবী

ধ্ৰুৱজ্যোতি নাথ হত্যাত জড়িত অভিযুক্তক উচিত শাস্তি দিয়াৰ বাবে দাবী তুলি ন্যায়ৰ বাবে এই সংগ্ৰামত অংশীদাৰ হ’বলৈ ৰাইজক আহ্বান জাষ্টিচ ফৰ ধ্ৰুৱজ্যোতি নামৰ ফেচবুক পেজৰ ৷

শিলচৰ, 9 আগষ্ট : দেওবাৰে শিলচৰত সংঘটিত লোমহৰ্ষক হত্যাৰ বলি ধ্ৰুৱজ্যোতি নাথ নামৰ শিশুটিৰ গৃহত উপস্থিত হয় কেইবাগৰাকীও সচেতন লোক ৷ শিশুটিৰ হত্যাত জড়িত অভিযুক্তক উচিত শাস্তি দিয়াৰ বাবে সংগ্ৰাম চলায় যোৱাৰ লগতে সকলো ধৰণৰ সহায় আগবঢ়াব বুলি আশ্বাস দিয়ে তেওঁলোকে ৷ জাষ্টিচ ফৰ ধ্ৰুৱজ্যোতি নামৰ ফেচবুক পেজটোৰ হৈ দিলু দাস, পল্লৱিতা শৰ্মা, জয়দ্বীপ চক্ৰৱৰ্তী আৰু সৌমিত্ৰ দত্ত ৰায়ে এই ঘটনাক তীব্ৰ নিন্দা কৰে ৷ ধ্ৰুৱজ্যোতিৰ ন্যায়ৰ বাবে এই সংগ্ৰামত অংশীদাৰ হ’বলৈ ৰাইজক আহ্বান জনায় তেওঁলোকে ৷

আনহাতে এই ঘটনাক লৈ কোনোধৰণৰ ৰাজনৈতিক অথবা ধাৰ্মিক যুক্তি নকৰি প্ৰকৃত ৰহস্য ভেদ কৰিবৰ বাবে সকলোকে একগোট হৈ ঠিয় দিবৰ বাবে অনুৰোধ জনায় তেওঁলোকে ৷ যাতে, প্ৰকৃত দোষীক উপযুক্ত শাস্তি প্ৰদান কৰিব পৰা যায় তাৰ বাবে সকলোৰে সহায় আবেদন কৰে লোককেইজনে ৷

লগতে পঢ়ক:নিবনুৱা সমস্যা সমাধানৰ দাবীৰে যুৱ কংগ্ৰেছৰ 'সংস্থাপন দিয়ক' শীৰ্ষক আন্দোলন