শিলচৰ, ১ ডিচেম্বৰ: হিন্দু-বঙালী লোকৰ নিৰাপত্তাৰ দাবী জনাই কাছাৰত বিভিন্ন শিক্ষানুষ্ঠানৰ ছাত্র-ছাত্ৰীয়ে প্ৰতিবাদ সাব্যস্ত কৰে । ১৮ নৱেম্বৰৰ ঘটনাৰ উচিত তদন্তৰ দাবী জনায় শিক্ষাৰ্থীসকলে। সোমবাৰে শিলচৰস্থিত শ্বহীদ ক্ষুদিৰাম বসুৰ প্ৰতিমূৰ্তিৰ সমীপত বিক্ষোভ প্ৰদৰ্শন কৰে । উল্লেখ্য যে,যোৱা ১৮ নৱেম্বত কেৰম খেলাক কেন্দ্ৰ কৰি খাচী সম্প্ৰদায়ৰ একাংশ যুৱকৰ সৈতে গোপীকান্ত ৰায় নামৰ এজন বঙালী সম্প্ৰদায়ৰ যুৱকৰ কাজিয়া হয় ।
খাচী যুৱককেইজনে গোপীকান্ত ৰায়ক আক্ৰমণ কৰি ঘৰত বন্দী কৰি থয়। লগতে তেওঁলোকৰ তিনিটা পৰিয়ালকে খোৱাপানী সংগ্ৰহৰ পৰা বঞ্চিত কৰে। বজাৰ কৰিবলৈ যোৱাত বাধা প্ৰদান কৰাৰ লগতে বিভিন্ন অত্যাচাৰ কৰে । সোমবাৰে জিলাখনৰ বিভিন্ন শিক্ষানুষ্ঠানৰ ছাত্র-ছাত্ৰীসকলে অতি শীঘ্ৰে যুৱককেইজনৰ বিৰুদ্ধে বিহিত ব্যৱস্থা গ্ৰহণ কৰিবলৈ প্ৰশাসনক দাবী জনাইছে ।
কাছাৰক দ্বিতীয় কাশ্মীৰ হোৱাৰ পৰা ৰক্ষা কৰিবলৈও আহ্বান জনায় প্ৰতিবাদকাৰীসকলে। অন্যথা পৰৱৰ্তী পৰ্যায়ত প্ৰতিবাদ তীব্ৰতৰ কৰাৰ হুংকাৰ দিয়ে । আনহাতে, ১৮ নৱেম্বৰৰ ঘটনাৰ পিছৰে পৰা জিলাখনৰ লক্ষীপুৰ থানাৰ অন্তৰ্গত মাছখাল খাচীয়া পুঞ্জীৰ কদমতলা অঞ্চলত বাস কৰা তিনিটা হিন্দু-বঙালী পৰিয়ালে নিৰাপত্তাহীনতাত ভুগিছে। খাচী সম্প্ৰদায় লোকে প্রাণে মৰাৰ ভাবুকি দিয়াত আতংকিত হৈ পৰিছে ।
লগতে পঢ়ক:ড্ৰাগছ সৰহবৰাহ কৰি গ্ৰেপ্তাৰ কৰি মাতৃ পুত্ৰ