শিলচৰ,1 এপ্ৰিল:কাছাৰ জিলাৰ সোনাইৰ ধনেহৰীত সংঘটিত হৈছে নিৰ্বাচনী হিংসাৰ ঘটনা ৷ ভোট কেন্দ্ৰত বিজেপি প্ৰাৰ্থী আমিনুল হক লস্কৰ উপস্থিত হোৱাৰ পাচতে উত্তপ্ত হৈ পৰে পৰিস্থিতি ৷ ভোটাৰ আৰু প্ৰাৰ্থী গৰাকীৰ মাজত সৃষ্টি হয় কথাৰ কটাকটি ৷ বাকযুদ্ধই শেষত উত্তপ্ত পৰিস্থিতিৰ ৰূপ লয় ৷ কাৰণ বিজেপি প্ৰাৰ্থী আমিনুল হক লস্কৰে এজন স্থানীয় ভোটাৰক চৰ সোধোৱাত অধিক উত্তেজিত হৈ পৰে স্থানীয় লোক ৷
সোনাইৰ ধনেহৰীৰ ভোট কেন্দ্ৰত গুলীয়াগুলি
ভোটদান শেষ হোৱাৰ সময়তে উত্তপ্ত হৈ পৰা পৰিস্থিতি নিয়ন্ত্ৰণৰ বাবে আৰক্ষীয়ে গুলীচালনা কৰিবলৈ বাধ্য হয় ৷ আক্ৰমণত লস্কৰৰ কোনো বিশেষ ক্ষতি নাই হোৱা যদিও তেখেতৰ তিনিগৰাকী দেহৰক্ষী আহত হোৱাৰ লগতে তিনি গৰাকী স্থানীয় যুৱক আৰক্ষীৰ গুলিত গুলীবিদ্ধ হয় ৷ অৱশ্যে আহত সকলক শিলচৰ মেডিকেল কলেজ হাস্পতালত ভৰ্তি কৰোৱা হৈছে।