কাছাৰৰ সোনাইত জুইত জাহ গ’ল ৭ খন কৈ ব্যৱসায়িক প্ৰতিষ্ঠান

কাছাৰ জিলাৰ সোনাই বজাৰত নিশা এক ভয়ংকৰ অগ্নিকাণ্ডৰ ঘটনা সংঘটিত হয়‌। অগ্নিকাণ্ডত ৭ খনকৈ ব্যবসায়িক প্ৰতিষ্ঠান সম্পূৰ্ণৰূপে জাহ যায় ৷

শিলচৰ, 9 ফেব্ৰুৱাৰীঃ কাছাৰৰ সোনাই বজাৰত নিশা সংঘটিত হয় এটা ভয়ংকৰ অগ্নিকাণ্ড ৷ উক্ত অগ্নিকাণ্ডত জাহ যায় ৭ খন কৈ ব্যৱসায়িক প্ৰতিষ্ঠান ৷ ততালিকে উক্ত ঘটনাটোৰ খবৰ স্থানীয় ৰাইজে অগ্নি নিৰ্বাপক বাহিনীক অৱগত কৰে ৷ ঘটনাস্থলীত অগ্নি নিৰ্বাপন বাহিনীৰ লোক উপস্থিত হৈ জুই নিৰ্বাপন কৰিবলৈ সক্ষম হয় যদিও 7 খনকৈ ব্যৱসায়ীক প্ৰতিষ্ঠান সম্পূৰ্ণৰূপে ভস্মিভূত হয় ৷

এই অগ্নিকাণ্ডত কোনো লোক হতাহত হোৱা নাই যদিও কেইবা লাখ টকাৰ সা-সম্পত্তি ধ্বংস হোৱাৰ আশংকা কৰিছে স্থানীয় ৰাইজে । উক্ত অগ্নিকাণ্ডৰ কাৰণ অৱশ্যে এতিয়াও জানিব পৰা হোৱা নায় ৷ ইফালে ঘটনাস্থলীত আৰক্ষী উপস্থিত হৈ ঘটনাৰ তদন্ত অব্যাহত ৰাখিছে বুলি জানিবলৈ পোৱা গৈছে ৷

লগতে পঢ়ক-নগাঁৱৰ জি ডি নাৰ্ছিং হ’মত উত্তেজনাঃচিকিৎসকৰ ভুলৰ বাবে মৃত্যু ৰোগীৰ