কাছাৰ জিলাৰ গুমড়াত বৃহৎ পৰিমাণৰ বিষ্ফোৰক সামগ্ৰী জব্দ

কাছাৰ জিলা গুমড়াত সেনা আৰু আৰক্ষীৰ যৌথ অভিযানত জব্দ বৃহৎ পৰিমাণৰ জিলেটিন আৰু ডিটনেটৰ ৷ লগতে ইয়াৰ সৈতে জড়িত দুজন লোককো আটক কৰা হৈছে ৷

শিলচৰ,3 ফেব্ৰুৱাৰী: কাছাৰ জিলা গুমড়াত জব্দ কৰা হৈছে বিষ্ফোৰক সামগ্ৰী ৷ সেনা আৰু আৰক্ষীৰ যৌথ অভিযানত জব্দ বৃহৎ পৰিমাণৰ জিলেটিন আৰু ডিটনেটৰ ৷ লগতে আটক কৰা হৈছে মেঘলায়ৰ দুজনকৈ লোক ৷ উল্লেখ্য যে, বুধবাৰে গোপন সূত্ৰৰ তথ্যৰ ভিত্তিত অসম-মেঘালয় সীমান্তৱৰ্তী গুমড়া মালিডহৰত 37 অসম ৰাইফল আৰু অসম আৰক্ষীয়ে যৌথভাৱে অভিযান চলায় ৷ এই অভিযানত মেঘালয়ৰ পৰা অহা এখন ৱাগানৰ বাহনত প্ৰায় 600 ডাল ডিটনেটৰ আৰু 542 ডাল জিলেটিন জব্দ কৰা হয় ৷

আৰক্ষীয়ে এই সমগ্ৰীখিনিৰ সৰৱৰাহৰ সৈতে জড়িত বিচন পাছলেইন আৰু ৱেলকাম লিংডহ নামৰ দুজন লোককো আটক কৰে ৷ লোক দুজনৰ পৰা প্ৰায় 11,500 টকাৰ নগদ ধনো উদ্ধাৰ কৰা হৈছে ৷ জব্দ হোৱা বিষ্ফোৰক সামগ্ৰীখিনিৰ মূল্য প্ৰায় 12 লাখ হ’ব বুলি অনুমান কৰা হৈছে ৷ কিন্তু কি উদ্দেশ্যেৰে নিৰ্বাচনৰ পূৰ্বে এনেদৰে চুবুৰীয়া ৰাজ্যখনৰ পৰা বৃহৎ পৰিমাণৰ বিষ্ফোৰক সামগ্ৰী লৈ অনা হৈছিল তাকে লৈ চাৰিওদিশে উত্থাপিত হৈছে প্ৰশ্ন ৷

লগতে পঢ়ক-ৰাজ্যপালৰ স্বাক্ষৰৰ পিছতে অসমত বন্ধ হ'ল চৰকাৰী মাদ্ৰাছা