শিলচৰত নিচাজাতীয় সামগ্ৰীসহ আটক 2 সৰবৰাহকাৰী

বুধবাৰে শিলচৰ আৰক্ষীয়ে ১১৯ পেকেট নিচাজাতীয় টেবলেট সহ আটক কৰে দুই যুৱকক ৷ আটকাধীন যুৱক দুজন শিলচৰ নাগাটিল্লাৰ মেহেবুব আলম আৰু মিটুন পাল

শিলচৰ, 30 অক্টোবৰঃ ৰাজ্যত ক্ৰমাৎ বৃদ্ধি পাইছে নিচাজাতীয় সামগ্ৰীৰ ৰমৰমীয়া বেহা ৷ বুধবাৰে শিলচৰ আৰক্ষীয়ে ১১৯ পেকেট নিচাজাতীয় টেবলেট সহ আটক কৰে দুই যুৱকক ৷ আটকাধীন যুৱক দুজন শিলচৰ নাগাটিল্লাৰ মেহেবুব আলম আৰু মিটুন পাল ৷ গোপন সূত্ৰৰ ভিত্তিতে ৰাঙ্গিৰখাৰি আৰক্ষীয়ে শিলচৰৰ নাগাটিল্লাত অভিযান চলাই আটক কৰে নিচাজাতীয় সামগ্ৰীখিনি ৷

আনহাতে, প্ৰতিটো নিচাজাতীয় পেকেটত ২০০ টাকৈ টেবলেট উদ্ধাৰ হয় ৷ উদ্ধাৰ হোৱা টেবলেটৰ বজাৰ মূল্য প্ৰায় ৩৫ লাখ টকা বুলি জানিবলৈ দিয়ে আৰক্ষীয়ে ৷ খবৰ অনুসৰি, যুৱক দুজনে দীৰ্ঘদিন ধৰি অবৈধ বেহাৰ লগত জড়িত আছিল ৷ যাৰ বাবে অধিক তথ্যৰ বাবে আৰক্ষীয়ে জেৰা অব্যাহত ৰাখিছে যুৱক দুজনক ।