শিলচৰত নৈশ বাছত অচিনাকি দুৰ্বৃত্তৰ আক্ৰমণ

আদবাটতে যাত্ৰীবাহী গাড়ী ৰখাই চালকক আক্ৰমণ

শিলচৰ, ২৮ ফেব্ৰুৱাৰীঃশিলচৰ জিলাৰ ৰাঙ্গিৰখাড়ি অঞ্চলত বুধবাৰে নিশা এখন নৈশ বাছত কোনো অচিনাকি দুৰ্বৃত্তই আক্ৰমণ কৰে । বাছ খনত যাত্ৰা কেইজনমান যুৱকৰ তৎপৰতাত কথমপি ৰক্ষা পৰে বাছত যাত্ৰা কৰা যাত্ৰীসকল ।

প্ৰাপ্ত তথ্য অনুসৰি নিশা AS-11M-0476 নম্বৰৰ এখন ওৱাগনাৰ গাড়ী লৈ দুৰ্বৃত্তই আইজলৰ পৰা গুৱাহাটী অভিমুখে আহি থকা AS-20-9990 নম্বৰৰ নৈশ বাছ এখনক অনুসৰণ কৰে । পৰৱৰ্তী সময়ত দুৰ্বৃত্ত কেইজনে বাছ ৰখাই বাছখনৰ চালকক আক্ৰমণ কৰে । বিপদৰ সম্ভেদ পাই বাছ খনত যাত্ৰা কৰা কেইজনমান যুৱকে আৰক্ষীক খবৰ দিয়ে । যুৱক কেইজনৰ খবৰ ভিত্তিত ঘটনাস্থলীত আৰক্ষী উপস্থিত হৈ পৰিস্থিতি নিয়ন্ত্ৰণলৈ আনে যদিও অচিনাকি দুৰ্বৃত্ত কেইজন পলাই যাবলৈ সক্ষম হয় ।