শিলচৰ,26 জুন: কাছাৰৰ কাটিগৰাত সংঘটিত হৈছে এক হৃদয় বিদাৰক ঘটনা ৷ জিলাখনৰ কুৰকুৰি চাহ বাগিচাত দুগৰাকী যুৱক-যুৱতীয়ে আত্মহত্যা কৰাক কেন্দ্ৰ কৰি অঞ্চলজুৰি সৃষ্টি হৈছে তীব্ৰ চাঞ্চল্যৰ ৷ ঘটনাৰ বিৱৰণী অনুসৰি প্ৰেমজনিত কাৰণত বাগিচাৰ মাজৰ এডাল গছত একেডাল ৰচীৰে চিপ লৈ আত্মহত্যা কৰে যুৱক-যুৱতীদ্বয়ে ৷ ইতিমধ্যে মৃত্যুক সাৱটি লোৱা যুৱকজন 18 বছৰীয়া আৰু যুৱতীগৰাকী 16 বছৰীয়া বুলি জানিব পৰা গৈছে ৷ আৰক্ষীয়ে ঘটনাস্থলীত উপস্থিত হৈ মৃতদেহ দুটা উদ্ধাৰ কৰি মৰণোত্তৰ পৰীক্ষাৰ বাবে শিলচৰ চিকিৎসা মহাবিদ্যালয় হাস্পতাললৈ প্ৰেৰণ কৰে ৷ প্ৰেমত ব্যৰ্থ হৈ যুৱতী-যুৱতীদ্বয়ে আত্মহত্যাৰ পথ বাচি লোৱাৰ সন্দেহ প্ৰকাশ কৰিছে আৰক্ষীয়ে ৷
একেডাল ৰচীৰে চিপ লৈ আত্মহত্যা যুৱক যুৱতীৰ