বিজেপি প্ৰাৰ্থী গৌতম ৰয়ৰ নিৰ্বাচনী প্ৰচাৰ তুংগত

কাছাৰৰ কাটিগড়াত নিৰ্বাচনী প্ৰচাৰ আৰম্ভ কৰিছে বিজেপি প্ৰাৰ্থী গৌতম ৰয়ে ৷ পুৰণি নিৰ্বাচনী শৈলীৰে প্ৰচাৰ আৰম্ভ কৰিছে গৌতম ৰয়ে ৷

শিলচৰ,9 মাৰ্চ: প্ৰথম পৰ্যায়ৰ ভোটগ্ৰহণৰ বাবে মনোনয়ন পত্ৰ দাখিলৰ অন্তিম দিনৰ পৰাই নিৰ্বাচনী প্ৰচাৰ আৰম্ভ কৰিছে বিজেপি দলৰ প্ৰাৰ্থী গৌতম ৰয়ে ৷ পুৰণি নিৰ্বাচনী শৈলী ব্য়ৱহাৰ কৰি মঙলবাৰে শিলচৰত বিশাল বাইক ৰেলীত অংশ লয় ৰয়ে ৷

কাটিগড়া সমষ্টিৰ বহুকেইটা পথ পৰিভ্ৰমী ৰয়ে এই ৰেলী সমাপ্ত কৰে কালাইন অঞ্চলত ৷ ৰেলীত ভাগ লয় শতাধিক সমৰ্থকৰ লগতে দলীয় কৰ্মীয়ে ৷ বাইক ৰেলীৰ পাচতে এক জন সভাতো অংশ লয় বিজেপিৰ প্ৰাৰ্থী গৰাকীয়ে ৷

বক্তব্যত তেওঁ কয় যে, বিজেপি দলৰ নিচিনা কোনো দল হ’ব নোৱাৰে ৷ কাৰণ বিজেপিৰ শাসন কালত ৰাইজে বহু সুযোগ-সুবিধা লাভ কৰিছে ৷ ইয়াৰোপৰি ৰাইজৰ অনুৰোধত গীতো পৰিৱেশন কৰে গৌতম ৰয়ে ৷

লগতে পঢ়ক :মুখ্যমন্ত্ৰীৰ জয়ৰ কামনাৰে বন্তি প্রজ্বলন মাজুলীবাসীৰ