নাগৰিকত্ব সংশোধনী বিধেয়কক সমৰ্থন বৰাক কংগ্ৰেছৰ

সংশোধিত নাগৰিকত্ব বিধেয়কৰ পক্ষত নিজৰ অৱস্থান স্পষ্ট কৰিছে বৰাকৰ তিনিখন জিলাৰ কংগ্ৰেছ নেতা কৰ্মীয়ে ৷ দিল্লীৰ পৰা অহা জয়ৰাম ৰমেশ, মুকুল ৱাসনিক আৰু আন আন নেতৃত্ববৃন্দক এই কথা স্পষ্ট কৰি দিয়ে শিলচৰৰ প্ৰাক্তন সাংসদ তথা মহিলা কংগ্ৰেছৰ সভানেত্ৰী সুস্মিতা দেৱে ৷

শিলচৰ, 8 নৱেন্বৰঃ নাগৰিকত্ব সংশোধনী বিধেয়কৰ পক্ষত বৰাক কংগ্ৰেছ ৷ সংশোধিত নাগৰিকত্ব বিধেয়কখনৰ পক্ষত নিজৰ অৱস্থান স্পষ্ট কৰিছে বৰাকৰ তিনিখন জিলাৰ কংগ্ৰেছ নেতৃত্বই ৷ দিল্লীৰ পৰা অহা জয়ৰাম ৰমেশ, মুকুল ৱাসনিক আৰু আন আন নেতৃত্ববৃন্দক এই কথা স্পষ্ট কৰি দিয়ে শিলচৰৰ প্ৰাক্তন সাংসদ তথা সৰ্বভাৰতীয় মহিলা কংগ্ৰেছৰ সভানেত্ৰী সুস্মিতা দেৱে ৷ তেখেতে উক্ত বিলখনত কিছুমান নতুন সংযোজনৰ প্ৰস্তাৱ আগবঢ়াইছে ৷ সুস্মিতা দেৱে এই কথাও স্পষ্ট কৰি দিয়ে যে, প্ৰস্তাবিত এই বিলখনৰ ভিত্তি বৰ্ষ তেঁওলোকে মানি নলয় ৷ 2014 অথবা 2019ৰ ভোটাৰ তালিকাত থকা নামৰ ভিত্তিতহে নাগৰিকত্ব বিলখন সংসদত আনাৰ বাৰে দাবী উত্থাপন কৰে প্ৰাক্তন সাংসদগৰাকীয়ে ৷