কাছাৰ জিলাৰ উপায়ুক্তৰ মিজো আগ্ৰাসন অঞ্চল পৰিদৰ্শন

ভাইৰেঙটি সংলগ্ন পাহাৰত মিজোৰামে আগ্ৰাসন কৰাৰ ফলত এতিয়া অসমৰ লোকে সেই স্থানলৈ প্ৰৱেশ কৰিব নোৱাৰা পৰিস্থিতিৰ সৃষ্টি হৈছে ৷ নিজ ঘৰবাৰী এৰি নিৰাপত্তা বিছাৰি অন্য স্থানলৈ ঢাপলি মেলিছে ৷ উক্ত অঞ্চলটোত থকা জনসাধাৰণে সম্প্ৰতি উজাগৰে থাকিব লগীয়া হৈছে মিজো দুৰ্বৃত্তৰ উপদ্ৰবৰ ফলত ৷ উপায়ন্তৰ হৈ স্থানীয় ৰাইজে ঘৰবাৰী ৰক্ষা কৰিবলৈ নিশা হ’লে পহৰা দিব লগীয়া পৰিস্থিতিৰ সৃষ্টি হৈছে ৷

কাছাৰ,19 নৱেম্বৰঃ প্রাকৃতিক সম্পদৰে সমৃদ্ধ কাছাৰ জিলাৰ ধলাইৰ ৰেংটি পাহাৰত সম্প্ৰতি মিজোৰামে আগ্রাসন অব্যাহত ৰাখিছে । উল্লেখযোগ্য যে, মিজোৰাম প্রশাসনৰ দপদপনিত আতংকিত হৈ পৰিছে অসমৰ সীমান্তবৰ্তি অঞ্চলত বসবাস কৰা সৰ্বসাধাৰণ জনতা ।

ইপিনে অসমৰ মাটিতে থকা পাহাৰত প্ৰৱেশ কৰিব নোৱাৰা হৈছে অসমৰ জনসাধাৰণ ৷ ভাইৰেঙটি সংলগ্ন পাহাৰত মিজোৰামে আগ্ৰাসন কৰাৰ ফলত এতিয়া অসমৰ লোকে প্ৰৱেশ কৰিব নোৱাৰা পৰিস্থিতিৰ সৃষ্টি হৈছে ৷ নিজ ঘৰবাৰী এৰি নিৰাপত্তা বিছাৰি অন্য স্থানলৈ ঢাপলি মেলিছে ৷ উক্ত অঞ্চলটোত থকা জনসাধাৰণে সম্প্ৰতি উজাগৰে থাকিব লগীয়া হৈছে মিজো দুৰ্বৃত্তৰ উপদ্ৰবৰ ফলত ৷ উপায়ন্তৰ হৈ স্থানীয় ৰাইজে ঘৰবাৰী ৰক্ষা কৰিবলৈ নিশা হ’লে পহৰা দিব লগীয়া পৰিস্থিতিৰ সৃষ্টি হৈছে ৷

আনহাতে কাছাৰ জিলাৰ উপায়ুক্ত কীর্তি জল্লি, জিলা বন বিষয়া সান্নিদেও চৌধুৰী, ধলাইৰ ৰেঞ্জাৰ দিব্যজ্যোতি দেউৰিসহ এটা বনকর্মীৰ দল ভাইৰেঙটি পাহাৰৰ ধলাইখাল গাঁও পৰিদর্শন কৰিবৰ বাবে উপস্থিত হৈছিল । পৰিতাপৰ কথা যে, মিজোৰামে দখল কৰা অসমৰ অঞ্চলত প্ৰৱেশ কৰিব নোৱাৰিলে পৰিদৰ্শনৰ বাবে যোৱা দলটো ।

লগতে পঢ়কঃ নাগালেণ্ডক কাৰ্বি আংলঙৰ এক ইঞ্চি মাটিও এৰি দিয়া নহ’বঃ তুলিৰাম ৰংহাঙ