শিলচৰ, 30 জুলাই :শুকুৰবাৰে, কাছাৰ জিলাৰ কাটিগড়াৰ বিহাড়া হাৰাঙত শিলৰ কুৱৰীৰ পৰা শিল কঢ়িয়াই লৈ গৈ থকা গাড়ীলৈ লক্ষ্য কৰি গুলীচালনা কৰাৰ ঘটনা সংঘটিত হয় ৷ দুস্কৃতিকাৰীয়ে এইদৰে শিল কঢ়িয়াই নিয়া গাড়ীলৈ গুলীচালনা কৰাৰ ঘটনাই তীব্ৰ চাঞ্চল্যৰ সৃষ্টি কৰিছে সমগ্ৰ অঞ্চলটোত ৷ প্ৰাপ্ত তথ্য মতে, ঘটনাস্থলীত সময় মতেই উপস্থিত হয় বন সংমণ্ডল বিষয়া(forest ranger) পিংকু সিনহা ।
কাছাৰত পুনৰ অস্ত্ৰৰ ঝনঝননি
অৱশ্যে, ঘটনাৰ প্ৰায় দুই ঘণ্টা অতিবাহিত হোৱাৰ পিছতো ঘটনা স্থলীত উপস্থিত নহ'ল আৰক্ষী বাহিনী(police force)। গুলীচালনাৰ ঘটনাৰ পিছত সেই স্থানত কৰ্মৰত হৈ থকা লোক সকলো আতংকিত হৈ পলাবলৈ বাধ্য হ'য় ৷ ইফালে, লগত কোনোধৰণৰ অস্ত্ৰ-শস্ত্ৰ নোহোৱাৰ বাবে বিষয়া গৰাকীয়ে কোনোধৰণৰ ব্যৱস্থা গ্ৰহণ কৰাত ব্যৰ্থ হয় ৷