শিলচৰ, 20 জানুৱাৰী : শিলচৰ চিকিৎসা মহাবিদ্যালয়ত সংঘটিত হৈছে এক চাঞ্চল্যকৰ ঘটনা ৷ ১০০০ ক’ভিড ভেকচিন নষ্ট হৈছে চিকিৎসা মহাবিদ্যালয় খনত ৷ নিম্ন তাপমাত্ৰাৰ ফ্ৰীজত ৰখাৰ বাবে এই বিপত্তি । শনিবাৰে শিলচৰ মেডিকেল কলেজত ভেকচিন প্ৰদান কৰা হৈছিল ১০০ জনক ৷
সূত্ৰ মতে ভেকচিন দিয়াৰ আগদিনা অৰ্থাৎ শুকুৰবাৰে প্ৰয়োজনতকৈ দহ গুণ অধিক অৰ্থাৎ ১০০০ ভেকচিন মেডিকেল কলেজ হাস্পতালখনলৈ পঠোৱা হয় ৷ এই ভেকচিন মজুত ৰাখিব লাগে 2 ৰ পৰা ৮ ডিগ্ৰী চেন্টিগ্ৰেড তাপমাত্ৰাত ৷ কিন্তু শিলচৰ মেডিকেল কলেজত সেই বিধি পালন কৰা নহ’ল ৷ নিৰ্ধাৰিত তাপমাত্ৰাতকৈ কম তাপমাত্ৰাত ভেকচিনখিনি ৰখা হৈছিল বুলি জানিব পৰা গৈছে ৷
কেনেকৈ নষ্ট হ’বলৈ পালে শিলচৰলৈ পঠিওৱা 1000 ক’ভিড ভেকচিন !