বঙাইগাঁও চাকলাত উৎখাত অবৈধ কাঠ ফলা মিল

দেওবাৰে বন বিভাগ আৰু আৰক্ষীয়ে যুটীয়া অভিযান চলাই জব্দ কৰে দুটাকৈ অবৈধ কাঠ ফলা মিলসহ লক্ষাধিক টকাৰ অবৈধ কাঠ ৷

অভয়াপুৰী, 30 জুনঃ বঙাইগাঁৱৰ চাকলাত অবৈধ কাঠ ফলা মিলত বন বিভাগৰ অভিযান । দুটা কাঠ ফলা মিলসহ লক্ষাধিক টকাৰ অবৈধ কাঠ জব্দ । অঞ্চলটোত দীৰ্ঘদিন ধৰি চলিছিল অবৈধ কাঠৰ বেহা । দেওবাৰে বন বিভাগ আৰু আৰক্ষীৰ যুটীয়া অভিযানত দুটাকৈ অবৈধ কাঠ ফলা মিলসহ লক্ষাধিক টকাৰ অবৈধ কাঠ জব্দ কৰে । শৌলমাৰীৰ মজমত আলী আৰু নোৱাগাৱৰ আশ্ৰাফুল ইছলামৰ কাঠ ফলা মিল উচ্ছেদ কৰাৰ লগতে প্ৰায় লক্ষাধিক টকাৰ অবৈধ কাঠ জব্দ কৰে বন বিভাগে । তাৰোপৰি, ৰফিকুল ইছলাম আৰু মনছেৰ আলীৰ প্ৰায় 2 লক্ষাধিক টকাৰ অবৈধ কাঠ জব্দ কৰি লৈ যায় ।