মাতৃৰ মৃত্যুৰ শোকত থাকিও ভোটদানৰ দায়িত্ব পালন কৰিলে বিলাসীপাৰাৰ কুলদীপ ৰায়ে

বগা সাজ পৰিধান কৰিয়েই তটপাৰা ভোটকেন্দ্ৰত নিজৰ গণতান্ত্ৰিক অধিকাৰ সাব্যস্ত কৰে কুলদীপ ৰায় নামৰ যুৱকজনৰ

বিলাসীপাৰা, 23 এপ্ৰিলঃ ৰাজ্যত অব্যাহত আছে তৃতীয় তথা অন্তিম পৰ্যায়ৰ ভোটগ্ৰহণ প্ৰক্ৰিয়া ৷ ৰাজ্যৰ চাৰিটা সমষ্টিৰ বাবে অব্যাহত আছে ভোটগ্ৰহণ ৷

4নং ধুবুৰী লোকসভা সমষ্টিৰ অন্তৰ্গত পূব বিলাসীপাৰাত দেখিবলৈ পোৱা গ'ল এগৰাকী বিশেষ ভোটাৰ ৷ শুদ্ধ বগা পোচাক পৰিধান কৰি ভোট দিবলৈ আহিল এইগৰাকী ভোটাৰ ৷ নিজ মাতৃৰ মৃত্যু হোৱা বাবেই এইদৰে বগা পোচাক পৰিধান কৰি ২৬৪ নং বহলপুৰ তটপাৰা ভোটকেন্দ্ৰত নিজৰ গণতান্ত্ৰিক অধিকাৰ সাব্যস্ত কৰে কুলদীপ ৰায় নামৰ যুৱকজনে ৷ সাংবাদিকৰে সৈতে হোৱা বাৰ্তালাপত সকলোকে ভোট দি এখন সুস্থ গণতান্ত্ৰিক সমাজৰ লগতে চৰকাৰ গঠন কৰিবলৈ আহ্বান জনায় ৷